Wari umukino wa mbere wa shampiyona kuri Gor Mahia yatsindiwe ku mukino wa nyuma wa CECAFA Kagame Cup na AZAM FC ibitego 2-0.

Michael Olunga watsinze ibitego byinshi muri iyi mikino yaberaga muri Tanzania yatsinze icya mbere ku munota wa 15 aherejwe n’Umugande Godfrey Walusimbi.

Kagere Meddie yatsinze igitego cya kabiri ku munota wa 36 , igitego cya 14 atsinze mu mikino 19 ya shampiyona.

Kagere Meddie yatsinze ibitego bibiri muri bitandatu batsinze KCB

Mu mikino 19 ya shampiyona, Kagere amaze gutsinda ibitego 14

Nyuma y’iminota 10 basubiye mu kibuga, Kagere Meddie yatsinze icya kabiri acenze ba myugariro ba KCB ateye ishoti rihindurirwa icyerekezo na Mark Odhiambo wayoboye umupira mu izamu rye.

Kiongera yatsindiye KCB impozamarira ariko Gor Mahia ikomeza kurohamo ibitego bya Khalid Aucho n’icya Enock Agwanda wasimbuye.

Myugariro Sibomana Abuba yakinnye igice cya mbere asimburwa na Ronald Omino.

Gor Mahia iyoboye shampiyona n’amanota 49 mu mikino 19 ikurikiwe na Ulinzi 41/22 naho Sofapaka ni iya gatatu 40/22.

Mu gihe ategereje guhamagarwa mu ikipe y’igihugu, Kagere Meddie amaze gutsinda ibitego 14 mu mikino 19 ya shampiyona bamaze gukina.

Kagere Meddie ntagihamagarwa mu ikipe y'igihugu nyuma y'impinduka z'ibyangombwa zagaragaye muri shampiyona

Mu gihe ba rutahizamu ba APR FC bavuye muri CECAFA batsinze igitego kimwe, Kagere ashobora kwifashishwa kuri Ghana

Nubwo Amavubi yatsinze Mozambique mu mukino ubanza igitego 1-0 cya Sugira Ernest, iyi kipe ifite ikibazo cya ba rutahizamu dore ko APR FC ihamagarwamo benshi yavuye muri CECAFA Kagame Cup itsinze ibitego bitanu mu mukino ine harimo kimwe cya rutahizamu, Bigirimana Issa.

Ibindi bitego bya APR FC byatsinzwe na Bizimana Djihad ukina hagati, abakina imbere ku ruhande (wingers) Sibomana Patrick, Nkinzingabo Fiston na Iranzi Jean Claude.

Mbere yo gukina na Ghana u Rwanda ruzakina umukino wa gicuti na Repubulika Iharanira Demokarasi ya Congo i Kinshasa tariki ya 29 Kanama 2015.