Lionel Messi yatsindiye FC Barcelona ibitego 58 mu mikino 57 atanga imipira 31 yavuyemo ibitego, yeshije umuhigo w’ibitego byinshi muri shampiyona, La Liga, wari ufitwe na Telmo Zarra, 251, ubwo yatsindaga ibitego bitatu bakina na Seville tariki ya 22 Ugushyingo 2014.

Messi niwe wabaye umukinnyi mwiza w’i Burayi mu 2015 igihembo atwaye ku nshuro ya kabiri numa ya 2010-2011.

Uyu yakurikiwe na Luis Suarez umaze gukinira Barcelona umwaka umwe ayitsindira ibitego 25 atanze n’imipira 24 yavuyemo ibindi mu mikino 43, uyu yari mu nyabutatu ya FC Barcelona yatsinze ibitego 122 mu mwaka ushize w’imikino afatanyije na Messi na Neymar.

Cristiano Ronaldo wari watwaye iki gihembo mu 2014 ahigitse Manuel Neuer na Arjen Robben ba Bayern Munich yabaye uwa gatatu nubwo yabaye rutahizamu wa shampiyona ya Espagne n’ibitego 48 na 61 mu marushanwa yose atanze n’imipira 22 yavuyemo ibitego [imikino 54] byatumye agwa mu ntege Alfredo Di Stéfano ku rutonde rwa ba rutahizamu b’ibihe byose ba Real Madrid.

Ni ku nshuro ya kabiri, Lionel Messi atwaye iki gihembo nyuma ya 2010-11 gitangwa bwa mbere atsinze Xavi Hernandez (FC Barcelona) na Cristiano Ronaldo (Real Madrid).

Mu 2012 cyatwawe na Andreas Iniesta wa FC Barcelona akurikirwa na Franck Ribéry wa Bayern Munich mu 2013 na Ronaldo mu 2014.