U Rwanda ruzabanza kwakira Mali mu mukino w’umunsi wa gatanu wo mu Itsinda E, uzabera i Nyamirambo ku wa 11 Ugushyingo saa Kumi n’ebyiri z’umugoroba.

Nyuma y’iminsi itatu, Ikipe y’Igihugu izaba iri muri Kenya, aho izakirwa na Harambee Stars mu mukino w’umunsi wa gatandatu, ari na wo uzasoza ijonjora rya kabiri.

Mu rwego rwo kwitegura imikino yombi, abakinnyi b’Amavubi bahamagawe muri iki cyumweru bitabiriye umwiherero ku wa Gatanu.

Abitabiriye uyu mwiherero uri kubera kuri Sainte Famille Hotel ni abakina imbere muri Shampiyona y’u Rwanda barimo abo muri AS Kigali, Rayon Sports, APR FC, Police FC, Gasogi United na Kiyovu Sports.

Biteganyijwe ko abakina hanze bazagera i Kigali mu cyumweru gitaha nyuma yo gukinira amakipe yabo mu mpera z’iki cyumweru.

U Rwanda ruzakina imikino ibiri isigaye ntacyo ruharanira kuko rwamaze gusezererwa, aho rufite inota rimwe mu mikino ine imaze gukinwa, kimwe na Kenya ifite amanota abiri.

Mali ifite amanota 10 ku mwanya wa mbere mu Itsinda E ndetse na Uganda ifite amanota umunani, byombi bizishakamo ikipe imwe izakomeza mu ijonjora rya gatatu rizakinwa muri Werurwe 2022.

Umunyezamu Ndayishimiye Eric 'Bakame' yagiye mu mwiherero w'Amavubi yitwaye mu modoka ye

Bakame ukinira Police FC ni umwe mu bakinnyi bamaze igihe bahamagarwa mu Ikipe y'Igihugu

Kapiteni wa Rayon Sports, Muhire Kevin, agera kuri Sainte Famille ahari kubera umwiherero

Muhire Kevin yakinnye imikino ibiri Amavubi aheruka gukina muri aya majonjora yo gushaka itike y'Igikombe cy'Isi cya 2022

Niyigena Clement usanzwe ukinira Rayon Sports mu mutima w'ubwugarizi

Myugariro Serumogo Ally ukinira Kiyovu Sports yongeye guhamagarwa mu Amavubi

Nsanzimfura Keddy agera muri Sainte Famille ahari kubera umwiherero

Ni ubwa mbere Nsanzimfura Keddy ahamagawe mu Ikipe nkuru

Ndayishimiye Antoine Dominique ukinira Police FC na we yongeye guhamagarwa mu Amavubi

Rukundo Denis yaje mu modoka imwe na Muhire Kevin

Usengimana Danny ubwo yari ageze kuri Sainte Famille

Usengimana ni umwe mu bakinnyi batandatu ba Police FC bahamagawe mu Ikipe y'Igihugu

Kapiteni wa Police FC, Nshuti Dominique Savio, ni we waje atwaye Usengimana na Dominique bakinana

Myugariro Rutanga Eric ukina inyuma ibumoso

Umunyezamu Ntwari Fiacre na Mugenzi Bienvenu bari mu modoka imwe

Ntwari wa AS Kigali na Mugenzi wa Kiyovu Sports bagera kuri Sainte Famille

Ntwari Fiacre ni umwe mu bakinnyi bato bahamagawe mu Amavubi

Munyaneza Jacques 'Rujugiro' ushinzwe ibikoresho by'Ikipe y'Igihugu [Kit-Manager]

Amafoto: Ferwafa