00:00:00 IGIHE NETWORK KN KINYARWANDA EN ENGLISH FR FRANCAIS

Muzamiru Mutyaba ashobora gusinyira Kiyovu Sports

Yanditswe na Bukuru JC
Kuya 13 Ukwakira 2021 saa 06:35
Yasuwe :
0 0

Umukinnyi mpuzamahanga ukomoka muri Uganda, Muzamiru Mutyaba, ukinira Express FC y’iwabo, ari mu biganiro na Kiyovu Sports ashobora gukinira mu mwaka utaha w’imikino.

Nyuma yo gusinyisha Emmanuel Okwi ukomoka muri Uganda, ubuyobozi bwa Kiyovu Sports buri kuganira na Muzamiru ukinira Express FC kugira ngo azafashe iyi kipe mu kibuga hagati.

Amakuru IGIHE yamenye ni uko Muzamiru Mutyaba yemereye Kiyovu Sports kuza gusoza ibiganiro bitarenze ku wa Gatandatu tariki 16 Ukwakira 2021.

Uyu mukinnyi w’imyaka 28 y’amavuko ukina hagati mu kibuga asatira izamu, yari kumwe na Express FC iheruka kwegukana igikombe cya CECAFA Kagame Cup 2021 yabereye muri Tanzania.

Andi makuru avuga ko Emmanuel Okwi ari we wabaye ikiraro cy’ibiganiro byahuje ubuyobozi bwa Kiyovu Sports n’uyu mukinnyi.

Aganira na IGIHE, Umunyamabanga Mukuru w’iyi kipe, Munyengabe Omar, yavuze ko nta biganiro bagiranye n’uyu mukinnyi.

Ati “Ntabwo ari byo. Nta biganiro turagirana na Muzamiru. Umugande twaguze ni Emmanuel Okwi ntawundi turagirana na we ibiganiro.”

Mu minsi ishize, uyu mukinnyi yavuzwe muri Rayon Sports, ariko birangira ntacyo ibiganiro bagiranye bigezeho.

Mutyaba yakiniye amakipe arimo KCCA yatandukanye na yo muri Mutarama uyu mwaka, Victory University Sports Club na Maroons FC.

Muzamiru Mutyaba ari mu biganiro bigeze kure hamwe na Kiyovu Sports
Muri Mutarama uyu mwaka, ni bwo Mutyaba yasinye umwaka umwe muri Express FC
Mutyaba yatwaranye na Express FC igikombe cya CECAFA Kagame Cup yabereye muri Tanzania muri Kanama uyu mwaka
Uyu mukinnyi w'imyaka 28, yakiniye amakipe arimo KCCA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .