Aganira na IGIHE, Rutanga usanzwe ukina inyuma ku ruhande rw'ibumoso yavuze ko ubu bushyamirane bwatewe n'umupira wari utewe hejuru hanyuma 'Bacca' agashaka kuwutera n'umutwe ariko ku bw'amahirwe make akaza kugwa hasi.

Ubwo Rutanga yageragezaga kumusimbuka ni ho Bacca yazamukiye akeka ko agiye kumukandagira.

Yagize ati" Ni umupira bateye ku mutwe Bacca yikubita hasi, naje ndamusimbuka ntashaka kumukandagira, azana imigeri. Nyuma azamutse ndamubaza nti 'wowe ndaguhunga hanyuma ukazana imigeri?'"

"Namufashe mu ijosi ndamusunika, ni ho camera yahise imfotora. Kuko we ko ari mugufi kuri njye, yansunitse mu gituza. Byahise birangira."

"Nyuma yo kubona ifoto 'Bacca' yarampamagaye turaseka turebye ukuntu imeze wagira ngo twari tugiye kurwana nyamara nta gikomeye cyabaye."

Iyi foto yafashwe na IGIHE benshi mu bayibonye bavuze ko Rutanga yari akwiye guhanwa nyamara umusifuzi Nizeyimana Isia'q warebaga ibyabaye yaraje arabakiranura umukino ukomeza nta kibazo.

Umukino warangiye APR FC itsinze Police FC igitego 1-0 cyatsinzwe n'Umunya-Sudani, Shaiboub Sharaf Eldin Ali ku munota wa 40 ku ishoti yatereye hanze y'urubuga rw'amahina ku mupira yahawe na Nshuti Innocent.

Police FC izakira Mukura Victory Sports ku Cyumweru tariki 9 Nzeri, mu gihe APR FC izajya i Ngoma gusura Etoile de l'Est ku wa Gatandatu tariki 2 Nzeri 2023.

Ubwo Kwitonda Alain 'Bacca' wa APR FC yari hasi Rutanga Eric wa Police FC yaramusimbutse akeka ko ashatse kumukandagira
Ubwo Kwitonda Alain 'Bacca' wa APR FC yari hasi Rutanga Eric wa Police FC yaramusimbutse akeka ko ashatse kumukandagira
Rutanga yafashe Bacca mu mashingo aramusunika haba ubushyamirane ariko bwahise buhoshwa n'umusifuzi
Rutanga yafashe Bacca mu mashingo aramusunika haba ubushyamirane ariko bwahise buhoshwa n'umusifuzi
Umukino warangiye APR FC itsinze igitego 1-0 cyinjijwe n'Umunya-Sudani, Sharaf Eldin Shaiboub Ali ku munota wa 40 w'umukino
Umukino warangiye APR FC itsinze igitego 1-0 cyinjijwe n'Umunya-Sudani, Sharaf Eldin Shaiboub Ali ku munota wa 40 w'umukino
Ni umukino waryoheye ijisho ndetse wari uri ku rwego rwo hejuru
Ni umukino waryoheye ijisho ndetse wari uri ku rwego rwo hejuru

Amafoto: Ntare Julius