Uyu mukinnyi w’imyaka 23 usanzwe ari nawe nimero ya mbere mu Ikipe y’Igihugu yatangajwe nk’umukinnyi mushya wa Gikundiro ku wa Kane, tariki 4 Nyakanga 2024.

Ndakimana yiyongereye ku bandi bakinnyi iyi kipe iheruka kongerera amasezerano y’imyaka ibiri aribo Uwase Andersène na Mukantaganira Josélyne bakina mu bwugarizi.

Ni umwaka wa gatatu Rayon Sports y’Abagore ibayeho ariko buri mwaka igenda igaragaza imbaraga zikomeye. Mu ushize w’imikino yegukanye Igikombe cya Shampiyona n’icy’Amahoro mu mwaka wayo wa mbere mu Cyiciro cya Mbere.

Rayon Sports izatangira kwitegura umwaka mushya w’imikino ku wa Gatanu, tariki 5 Nyakanga 2024 aho igomba no kuzahagararira u Rwanda mu mikino ya CAF Champions League izabera muri Ethiopia muri Kanama.

Ndakimana yasinye amasezerano y'imyaka ibiri

Ndakimana Angeline ni umwe mu bagiye bagora Rayon Sports iyo bahuraga na AS Kigali WFC

Ndakimana Angeline yerekeje muri Rayon Sports avuye muri mukeba AS Kigali

Myugariro Uwase Andersène yongereye amasezerano y'imyaka ibiri