Umuvugizi Wungirije wa Guverinoma y’u Rwanda, Alain Mukuralinda, yatangaje ko u Rwanda nirudategura umupira ruhereye mu bakinnyi bato, ruzahora rutsindwa.
Ibi yabitangaje abinyujije ku rukuta rwe rwa Twitter nyuma y’umukino Amavubi yatsinzwe na Mozambique, kuri iki Cyumweru tariki ya 18 Kamena 2023.
Uyu mukino wabereye kuri Stade Mpuzamahanga ya Huye wari uwa gatanu mu Itsinda L mu rugendo rwo gushaka itike yo kujya mu Gikombe cya Afurika cya 2023 kizabera muri Côte d'Ivoire mu ntangiriro za 2024. Warangiye Mozambique itsinze Amavubi ibitego 2-0.
Alain Mukuralinda yagiriye inama abafite mu nshingano gutegura Ikipe y’Igihugu, ababwira ko bagomba kwita ku kwiremera abakinnyi badategereje abaturutse hanze.
Yagize ati “Nitudahera mu bana bato, ari na yo mpamvu muri Shampiyona twitabaza abanyamahanga. N’abahari bahura baje gukina ariko nta myitozo bakorana ihagije, nta n’imikino ya gicuti bakina ngo bamenyerane. N’uku bizahora bigenda! Umupira wacu ugomba guhinduka naho ubundi ntaho tuzagera.”
⚽️Nitudahera mu bana bato, ari yo mpamvu muri championnat twitabaza abanyamahanga, iyo n’abahari bahura baje gukina nta myitozo bakorana ihagije, nta n’imikino ya gicuti bakina ngo bamenyerane, ni uku bizahora bigenda! Umupira wacu ugomba guhinduka naho ubundi ntaho tuzagera
— Mukuralinda Alain B. (@a_mukuralinda) June 18, 2023
Iki gitekerezo yagitanze mu gihe u Rwanda rwatangiye gutekereza gutanga ubwenegihugu ku bakinnyi bashoboye ariko batari Abanyarwanda, bakaba batanga umusanzu mu kugarura umusaruro w’Amavubi.
Igihe cyaba Jimy Gatete ba Olivier Karekezi ba Bakame icyo gihe championa muri Secondaire yari ikomeye cyane , Groupe scolaire Groupe scolaire Gahini ETM Muhazi zari zikomeye cyane final yarimeze nka Rayon sport na APR . Bakuze bahatana umusaruro warabonetse tujya muri CAN .…
Nyuma y'imikino imaze gukinwa, u Rwanda ruri ku mwanya wa nyuma n'amanota abiri mu itsinda ndetse rwahise runasezererwa mu rugendo rwo gushaka itike ya CAN 2023 mu gihe Mozambique isigaje kwikiranura na Bénin. Sénégal iyoboye itsinda yamaze kuyibona ndetse ifite n’amanota 13.
Umuvugizi Wungirije wa Guverinoma y'u Rwanda, Alain Mukurarinda, yifuza ko ikipe itegurwa ihereye ku bana batoAmavubi yatsinzwe na Mozambique, atakaza amahirwe yo gushaka itike yo kujya mu Gikombe cya Afurika 2023Alain Mukurarinda yavuze ko umupira n'udahera mu bakiri bato bazahora bababara
Ibitekerezo 0