Nigeria yahise yerekeza i Pretoria muri Afurika y’Epfo kuri uyu wa Gatanu gukomerezayo umwiherero, aho bazava baje mu Rwanda.

Kuri ubu ikipe ya Nigeria iri gukoreshwa imyitozo n’umutoza wungirije, Salisu Yusuf mu gihe umutoza mukuru Sunday Ogorchukwu Oliseh arwariye mu Bubiligi. Gusa Yussuf atangaza ko ikibaraje inshinga ari uko bakwegukana igikombe cya CHAN.

Nigeria iri mu itsinda C rizakinira i Nyamirambo, hamwe na Niger, Tunisia na Guinea.

Mbere yo gutangira CHAN, Nigeria irateganya imikino ibiri ya gicuti hamwe na Angola na Côte d’Ivoire yo mu itsinda ry’u Rwanda, imikino izaba ku matariki ya 6 n’iya 9 Mutarama 2016 i Pretoria muri Afurika y’Efo.

Umukino wa mbere bazawukina tariki ya 18 Mutarama bahura na Niger, tariki ya 22 bakine na Tunisia, basoreze kuri Guinea tariki ya 26 Mutarama 2016.

Super Eagles ya Nigeria ikaba yaregukanye umwanya wa gatatu mu irushanwa riheruka kubera muri Afurika y’Efo.

Abakinnyi 23 Nigeria izakoresha muri CHAN

Abazamu: Ikechukwu Ezenwa (Sunshine Stars), Thomas Olufemi (Enyimba), Okemute Odah (Warri Wolves)

Ba myugariro: Kalu Orji (Enugu Rangers), Austin Oboroakpo (Warri Wolves), Jamiu Alimi (3SC), Mathew Etim (Enugu Rangers), Chima Akas (Sharks), Chris Madaki (Giwa FC).

Abakina hagati: Mathew Ifeanyi (El-Kanemi Warriors), Paul Onobi (Sunshine Stars), Usman Mohammed (FC Taraba), Bature Yaro (Nasarawa United), Osas Okoro (Enugu Rangers), Bartholomew Ibenegbu (Warri Wolves), Julius Ubido (Heartland FC), Ibrahim Salawa Attah (3SC), Christian Madu (Enugu Rangers).

Ba rutahizamu: Ezekiel Bassey (Enyimba FC), Tunde Adeniji (Sunshine Stars), Bright Onyedikachi (FC IfeanyiUbah), Chisom Chikatara (Abia Warriors), Prince Aggrey (Sunshine Stars).

Nigeria yatangaje 23 bagomba gukina CHAN

Super Eagles yegukanye umwanya wa gatatu mu irushanwa riheruka kubera muri Afurika y’Efo