Nyuma y’imyaka 20 akina umupira w’amaguru agasezera kuwa Kabiri, Umufaransa Thierry Henry wakiniye Arsenal, FC Barcelona na New York Red Bulls agahabwa akazi kuri Sky Sports asinye amasezerano y’imyaka 6 kuri miliyoni 30 z’ama Euro niwe musesenguzi (pundit) uhenze ku Isi.

Thierry azajya asesengura imikino ya shampiyona y’u Bwongereza, champions league n’andi marushanwa akomeye.

Ibitangazamakuru byo mu Bwongereza byanditse ko Thierry Henry, rutahizamu w’ibihe byose wa Arsenal n’u Bufaransa azajya ahabwa miliyoni 4 z’amapound ku mwaka asaga miliyoni 30 z’ama Euro mu myaka itandatu akaba umusesenguzi numero ya mbere na Ambasaderi wa Sky Sports.

Gary Neville wakiniye Manchester United yahembwaga miliyoni 1.2 z’amapound ku mwaka.

Nyuma yo gutsinda ibitego no gutwara ibikombe, Thierry uvuga ko agiye gukomeza n’amasomo y’ubutoza yatangaje ko yishimiye kuba agiye gufasha benshi kumva umupira w’amaguru.

Nyuma yo gusezera gukina umupira w'amaguru, Thierry Henry agiye kujya awusesengura

Kuri Sky Sports, Titi yasinye imyaka itandatu akazahabwa miliyoni 30 z'ama Euro

Yagize ati “ Ndumva nteye indi ntambwe, bizatuma nkomeza kuba hafi y’umupira w’amaguru mfashe benshi kuwusobanukirwa."

Amasezerano ya Thierry amwemerera gukorana na BBC gusa, havuyemo abakeba ba Sky Sports nka Daily Mail na BT Sport.

Uyu mushahara wagize uyu Mufaransa, umusesenguzi (pundit) uhenze ku Isi, azatangirana iyi mirimo mishya n’umwaka wa 2015.

Kuri Sky Sports, Thierry Henry agiye gufatanya na Gary Neville wakinnye muri Manchester United, Jamie Redknapp wakiniye Liverpool na Tottenham, Jamie Carragher muri Liverpool na Graeme Souness wakiniye Liverpool akanayitoza.

Thierry Henry mu mibare kuva mu 1994-2014

Incamake z’ubuzima bwa Thierry Henry n’umupira w’amaguru

Thierry Henry w’imyaka 37 yatangiye gukina muri Monaco hagati ya 1994-1999 ayikinira imikino 114 atsinda ibitego 28, yagiye muri Juventus akina imikino 19 atsinda ibitego 3 mbere yo kujya muri Arsenal.

Titi yageze muri Arsenal mu 1999-2007, ayisubiramo mu 2011-2012 atijwe imikino ine, atsinda ibitego 228 mu mikino 376, aba rutahizamu w’ibihe byose. Ni rutahizamu wa kane wa Premier League n’ibitego 175 anganya na Frank Lampard inyuma y’abakinnyi nka Wayne Rooney.

Muri FC Barcelona 2007-2010 yakinnye imikino 121 atsinda ibitego 49 atwara igikombe cya champions league mu 2009, igikombe cya shampiyona n’igikombe cy’Umwami.

Thierry Henry yerekeje muri Leta Zunze Ubumwe z’Amerika akinira New York Red Bulls hagati ya 2010-2014 atsinda ibitego 52 mu mikino 135.

Nk’umusimbura mu ikipe y’igihugu yatwaye igikombe cy’Isi mu 1998 nyuma y’umwaka atangiye kuyikinira asoza mu 2010 atsinze ibitego 51 mu mikino 123, raba utahizamu w’ibihe byose w’u Bufaransa. Mu 2000 yatwaye igikombe cy’u Burayi.

Thierry Herny mu mafoto

Mu 1999, Thierry yasinye Arsenal avuye muri Juventus nyuma yo guca no muri AS Monaco

Mu myaka 12 muri Arsenal yatsinze ibitego 228 mu mikino 376

Thierry Henry na Wayne Rooney wa gatatu mu bamaze gutsinda ibitego byinshi muri Premier League

Ni rutahizamu wa kane wa Premier League n’ibitego 175 anganya na Frank Lampard inyuma y’abakinnyi nka Wayne Rooney.

Thierry na David Beckham

Thierry ahabwa ishimwe na Ian Wright nawe wakiniye Arsenal

Ni rutahizamu w'ibihe byose muri Arsenal n'ibitego 228 mu mikino 377 arusha Wright wa kabiri ibitego 43

FC Barcelona yamuguze muri Arsenal miliyoni zisaga 16 z'amapound

Mu mikino 121 yakiniye FC Barcelona yatsinze ibitego 49

Mu 2009 yatwaye igikombe cya champions league muri FC Barcelona

Thierry Henry yakiniye New York Red Bulls hagati ya 2010-2014 atsinda ibitego 52 mu mikino 135

Nk'umusimbura mu 1998, Henry yatwaye igikombe cy'Isi

Thierry Henry yishimira igitego

Hanze ya Highbury stade Arsenal yakiniragaho kugera mu 2006 hari ikibumbano cy'uko yishimiraga igitego