Umutoza Didier Deschamps n’abakinnyi bose b’u Bufaransa bageze ku mukino wa nyuma w’irushanwa rya Euro 2016 bagatsindwa igitego 1-0 na Portugal mu minota y’inyongera bakiriwe na François Hollande mu biro bye i Paris abashimira uko bitwaye n’ishema bahesheje igihugu nubwo batabashije gutwara igikombe.

Aba bakinnyi bari bagiye baherekejwe n’abagore babo babasezeraho mbere yo kwinjira mu ngoro y’Umukuru w’Igihugu, Champs-Élysées, ahakomereje ibirori Hollande ashimira buri muntu wese wagize uruhare kugira ngo iyi kipe y’igihugu yakiniraga mu rugo ibashe kwitwara neza.

U Bufaransa bwasezereye u Budage muri ½ bwari bwizeye gutwara iki gikombe bufite inshuro ebyiri ariko ku mukino wa nyuma butsindwa na Portugal hitabajwe iminota 30 y’inyongera.

Rutahizamu ukinira ikipe ya Lille, Eder niwe watsindiye Portugal igitego cyatandukanyije impande zombi ku munota wa 109.

Ikipe y'u Bufaransa igeze imbere y'ingoro yUmukuru w'Igihugu izwi nka Champs-Élysées

Abakinnyi b'u Bufaransa binjira mu ngoro y'Umukuru w'Igihugu

Ikipe y'u Bufaransa na Perezida Hollande bafata ifoto y'urwibutso

Griezmann wabaye umukinnyi w'irushanwa(ibumoso), Perezida Hollande(hagati) na Dimitri Payet

Olivier Giroud asuhuza abafana mbere yo kwinjira mu biro by'Umukuru w'Igihugu

Griezmann n'akanayamuneza yasuhuje abafana bari hanze mbere yo kubonana na Perezida

Paul Pogba asuhuza abafana ubwo ikipe yavaga kuri hoteli yari icumbitsemo mu mujyi wa Paris

Koscielny na Cabaye basezera ku bafana

Umunyezamu Hugo Lorris asezera ku bafana ubwo yasohokaga muri hoteli

Bamwe mu bagore b'abakinnyi bari babukereye baje gushyigikira abakunzi babo

Ludivine Payet(umugore wa Dimitri Payet) na Camille wa Morgan Schneiderlin baherekeje abagabo babo ubwo bakirwaga na Perezida Hollande kuri uyu wa kabiri