Amakuru IGIHE yamenye avuga ko Gikundiro yamaze kumenyesha uyu mukinnyi ko batazakomezanya bityo igomba kumuha ibihumbi 7.5$ arenga miliyoni 10 Frw.
Ayo arimo ibihumbi 5$ yasigaye ubwo yagurwaga mu mwaka ushize, ndetse n’imishahara y’amezi abiri.
Rayon Sports ivuga ko impamvu itaraha uyu mukinnyi ibaruwa yo kumurekura (release letter) ari uko itarabona ayo mafaranga.
Ni mu gihe uyu mukinnyi we ayishaka vuba kugira ngo atangire gushaka indi kipe azerekezamo.
Gikundiro yarekuye uyu mukinnyi kubera amafaranga menshi yahembwaga angana na 1200$ arenga miliyoni 1.7 Frw ku kwezi kandi ibona ko ashobora kutazabona umwanya uhagije wo gukina.
Gning yabaye umukinnyi wa kabiri wareze Rayon Sports muri FERWAFA, nyuma ya Muhire Kevin nawe wamaze kugeza ikirego cye muri iri shyirahamwe kubera kutamwishyura umwenda w’amezi abiri imubereyemo n’amafaranga yasigaye mu igurwa rye.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!