Ni umukino watangiye uri mu ruhande rwa Gorilla FC yakiriye umukino, ndetse ku munota wa kane ibona coup-franc ku munota wa kane, iterwa neza na Mosengo Tansele, ayishyira mu izamu.

Police FC yashatse kwishyura hasi hejuru, ku munota wa 13 ibona amahirwe ku mupira wazamukanywe na rutahizamu wayo, Ani Elijah, ariko ageze mu rubuga rw’amahina atera ishoti nabi mu izamu ukurwamo n’umunyezamu wa Gorilla FC, Ntagisanayo Serge.

Nduwimana Franck yashyize mu izamu umupira wari kuvamo igitego cya kabiri cya Gorilla FC ku munota wa 43, ariko umusifuzi wa kabiri wo ku ruhande, Ishimwe Daniel yemeza ko yaraririye.

Igice cya mbere cy’umukino cyarangiye Gorilla FC iyoboye umukino ku gitego 1-0, mu cya kabiri Umutoza wa Police FC, Ben Moussa, akura mu kibuga Manishimwe Djabel na Ndayishimiye Dieudonne ashyiramo Byiringiro Lague na Kwitonda Alain ’Bacca’.

Police FC yakomeje gusatirana imbaraga ishaka kwishyura igitego, ikibona mu nyongera kuri 90 y’umukino gitsinzwe na Byiringiro Lague.

Nyuma yo kunganya igitego 1-1, Gorilla FC yagumye ku mwanya wa 11 n’amanota 33, mu gihe Ikipe ya Polisi y’u Rwanda iri ku mwanya wa gatanu n’amanota 45.

Umukino wabanjirije uyu, ukabera i Rubavu, Marine FC ya cyenda n’amanota 38 yanganyije na Gasogi United FC ya 13 n’amanota 31 ibitego 2-2.

Umutoza wa Police FC, Ben Mousa, aramukanya na Alain Kirasa utoza Gorilla

Abakinnyi 11 Police FC yabanje mu kibuga

Abakinnyi 11 Gorilla FC yabanje mu kibuga

Irafasha Emmanuel ni we wasifuye uyu mukino wa Gorilla FC na Police FC

Abasifuzi bayoboye umukino wa Gorilla FC na Police FC

Gorilla FC yatangiye neza umukino wayihuje na Police FC

Umukino wakiniwe hagati cyane mu ntangiriro y'umukino

Ani Elijah wa Police FC ahanganiye umupira na Uwimana Kevin wa Gorilla FC

Ani Elijah wa Police FC yahushije ibitego byabazwe

Kalifa Traore wa Gorilla FC agerageza kwambura umupira Ndayishimiye Dieudonne wa Police FC

Mengue Ndong wa Gorilla yerekwa ikarita y'umutuku

Perezida wa Gorilla FC, Yussuf Mudaheranwa, yakurikiye umukino

Abatoza b'Amavubi bakurikiye umukino wa Gorilla FC na Police FC

Gorilla FC yatsinzwe igitego ku munota wa nyuma

Gorilla yagerageje kurinda izamu ryayo ariko biranga ibona inota rimwe

Nshimirimana Ismaël agiye gutera coup-franc ya Police FC

Amafoto: Umwari Sandrine