Uyu mukino w’Umunsi wa 36 wa Premier League wabereye kuri London Stadium kuri iki Cyumweru, tariki ya 10 Gicurasi 2026.

Arsenal yari yakoze ibishoboka byose, ikabona uburyo butandukanye, byayisabye gutegereza umunota wa 83, ibona igitego cyatsinzwe na Leandro Trossard ku mupira wari uvuye kuri Martin Ødegaard.

Mu minota y’inyongera, Wilson Callum yishyuriye West Ham ku mupira wari ucitse umunyezamu David Raya uvuye muri koruneri, ariko nyuma yo gusuzuma amashusho yifashishwa mu misifurire [VAR], hemezwa ko Raya yari yakorewe ikosa.

Gutsinda uyu mukino byatumye Arsenal isatira kwegukana Igikombe cya Premier League iheruka mu myaka 22 ishize, aho kuri ubu isigaje imikino ibiri izahuramo na Burnely mu rugo na Crystal Palace hanze.

Iyi kipe itozwa na Mikel Arteta kuri ubu ifite amanota 79 mu mikino 36 mu gihe Manchester City iyikurikiye, yo ifite amanota 74 mu mikino 35.

Ni mu gihe West Ham yakomeje kuba munsi y’umurongo utukura aho ifite amanota 36 ku mwanya wa 18, irushwa inota rimwe na Tottenham ya 17.

Leandro Trossard yafashije Arsenal kwikura ku kibuga cya West Ham, atsinda igitego cyo mu minota ya nyuma

Byasabye gutegereza umunota wa 83 ngo Arsenal ibone igitego

Arsenal yari yagerageje uburyo bunyuranye ariko yabuze igitego

Mu minota y'inyongera, West Ham yibwiraga ko ibonye igitego cyo kwishyura

Umunyezamu David Raya yagaragaje ko yabangamiwe ntabashe gufata umupira

VAR yagaragaje ko Pablo yakoreye ikosa umunyezamu Raya akamubuza gufata umupira amufashe ukuboko