FC Barcelona irakira Paris Saint Germain i Camp Nou ishaka intsinzi ngo iyobore itsinda F mu gihe Manchester City idafite rutahizamu Sergio Kun Aguero isabwa gutsinda Roma mu Butaliyani.

Itsinda F

Barcelona vs Paris Saint Germain @Camp Nou saa 21:45

Ajax vs APOEL Nicosia @Amsterdam ArenA saa 21:45

Barcelona ni iya kabiri mu itsinda n’amanota 12 irushwa inota na PSG, ifite rutahizamu wayo Zlatan Ibrahimovic wagarutse kimwe nka Maxwell na Thiago Motta.

Kuva mu 2006, Barcelona irangiza amatsinda ari iya mbere, Andreas Iniesta akinnye waba ari umukino wa 100 muri champions league.

Kuva uyu mwaka w’imikino utangiye, PSG ntiratsindwa mu marushanwa yose, irasabwa kunganya ikayobora itsinda. Umukino ubanza i Paris nta Ibrahimovic bakiriye Barcelona bayitsinda ibitego 3-2.

Zlatan Ibrahimovic yasubikiye ku kibuga avuga ko yasuzuguriweho

Barcelona irasabwa gutsinda PSG ikabona umwanya wa mbere mu itsinda, umukino uheruka batsinzwe ibitego 3-2 nta Zlatan

Dani Alves yarahagaritswe kubera amakarita.

Undi mukino urahuza amakipe ashaka umwanya wa gatatu w’itike ya Europa League, Ajax ifite amanota abiri irasabwa kunganya na Apoel ifite inota rimwe gusa.

Itsinda E

FC Bayern München vs CSKA Moscow @Allianz Arena saa 21:45

Roma vs Manchester City @Olimpico saa 21:45

Manchester City na AS Roma zirasabwa intsinzi ngo zizere itike ya 1/8 kuko CSKA Moscow itsinze Bayern yabona itike zose zifite amanota 5 uretse Bayern München ifite itike n’amanota 12.

Manchester City irasura Roma idafite rutahizamu Sergio Kun Aguero wahawe ibyumweru bitandatu kubera imvune yo mu ivi yagize bakina na Everton.

Sergio Kun Aguero ashobora kumara ibyumweru 6 kubera imvune yo mu ivi yagize bakina na Everton

Manchester City i Roma bashaka intsinzi banganya na Roma na CSKA amanota 5

Yaya Toure yahagaritswe kubera amakarita nubwo Stevan Jovetić, David Silva, Vincent Kompany na Fernandinho bamaze kwemererwa n’abaganga gukina.

Umukino ubanza Bayrn yatsinze CSKA igitego 1-0 cya penaliti ya Thomas Muller, ikipe ya Josep Guardiola imaze imikino 5 idatsindwa igitego muri 6 yakinnye.

Mu yindi mikino itaganyijwe uyu munsi, Chelsea ifite itike n’umwanya wa mbere irakira Sporting Lisbone isabwa kunganya ikizera itike mu gihe Schalke ikina na Malibor yatsinda na Chelsea igatsinda zabona itike.

Mourinho yiteguye gukinisha abakinnyi bakiri bato Terry, Haard na Willian baruhutse

Jose Mourinho araza guha umwanya bamwe mu bakinnyi be bato, umukino ubanza Nemanja Matić yatsinze igitego 1-0 batsindiye muri Portugal. John Terry, Eden Hazard na Willian baruhukijwe.

Sporting yatsinze umukino umwe muri 17 yo ku mugabane w’u Burayi bakiniye hanze.

Mu itsinda H, Porto ifite itike n’umwanya wa mbere n’amanota 13 irakina na Shakhtar Donetsk ya kabiri yabonye itike n’amanota 8 mu gihe Athletic Club isabwa kunganya na Bate ikabona itike ya Europa Legue.