Champions League: PSG vs Chelsea, Man City vs Barcelona naho Arsenal ikine na Monaco

00:00:00 IGIHE NETWORK

KINYARWANDA

ENGLISH

FRANCAIS

Champions League: PSG vs Chelsea, Man City vs Barcelona naho Arsenal ikine na Monaco

Yanditswe na

Tity Thierry Kayishema

Kuya 15 December 2014 saa 01:30

Yasuwe :

Yavuzweho:

Tombola ya 1/8 cy’irangiza cya champions league isize Paris Saint-Germain izakina na Chelsea, Manchester City na Barcelona naho Arsenal ikine na AS Monaco.
Umwaka ushize, Manchester City muri 1/8 cy’irangiza yari yasezerewe na FC Barcelona. Barcelona yayisezereye ku giteranyo cy’ibitego 4-1.
Chelsea yarangije ari iya mbere mu itsinda yongeye guhura na Paris Saint Germain, umwaka ushize igitego cya Demba Ba ku munota wa 87 cyahaye Jose Mourinho itike ya ½ cy’irangiza.
Muri uyu mwaka (…)

Tombola ya 1/8 cy’irangiza cya champions league isize Paris Saint-Germain izakina na Chelsea, Manchester City na Barcelona naho Arsenal ikine na AS Monaco.

Umwaka ushize, Manchester City muri 1/8 cy’irangiza yari yasezerewe na FC Barcelona. Barcelona yayisezereye ku giteranyo cy’ibitego 4-1.

Chelsea yarangije ari iya mbere mu itsinda yongeye guhura na Paris Saint Germain, umwaka ushize igitego cya Demba Ba ku munota wa 87 cyahaye Jose Mourinho itike ya ½ cy’irangiza.

Muri uyu mwaka Chelsea yagurishije muri Paris Saint Germain myugariro David Luiz asanga miliyoni 40 z’amapound.

PSG vs Chelsea na Manchester City vs FC Barcelona, imwe mu mikino yitezweho byinshi muri 1/8 cya UEFA champions league

Umukino wa nyuma uzabera i Brlin tariki ya 6 Kamena 2015

Arsenal ya Arsene Wenger yabaye iya kabiri mu itsinda izahura na AS Monaco, ikipe Wenger yatoje mbere yo kujya mu Bwongereza hagati ya 1987-1994. Monaco yarangije imikino yo mu matsinda itsinze ibitego bine gusa.

Muri Monaco, Arsene Wenger yatwaye igikombe cya shampiyona mu 1988 n’icy’igihugu mu 1991. Muri Kanama, Monaco yatsinze Arsenal igitego 1-0 mu mukino wa gicuti.

Aaron Ramsey ukinira Arsenal yanditse ku rubuga rwa Twitter ko abafana bazishimira urugendo rwo mu Bufaransa. Yagize ati “ Nishimiye Monaco, twatomboye neza.”

2014: Manchester City yasezerewe ku giteranyo cy'ibitego 4-1 na FC Barcelona

Igitego cya Demba Ba ku munota wa 87 cyahaye abasore ba Mourinho itike ya 1/4 cy'irangiza

Umwaka ushize kandi, Real Madrid ifite iki gikombe yatsindiye mu Budage, Schalke 04 ibitego 6-1 mu mukino wo kwishyura, Real itsinda ibindi 3-1, Cristiano Ronaldo atsinze ibitego bine mu mikino yombi.

Juventus izakina na Borussia Dortmund, aya makipe yahuriye ku mukino wa nyuma mu 1997, Abadage Karl-Heinz Riedle na Lars Ricken bayitsinda ibitego 3-1. Mu 1993, Juventus yanyagiye Borussia Dortmund ibitego 6-1.

Bayern Munich izakina Shakhtar Donetsk, Bayer Leverkusen ihure na Atletico Madrid naho Basle ikine na Porto.

Imikino ibanza izaba tariki ya 17/18 na 24/25 Gashyantare 2015 iyo kwishyura ikinwe tariki ya 10/11 na 17/18 Werurwe 2015. Umukino wa nyuma uzakinirwa i Berlin mu Budage tariki ya 6 Kamena 2015.