Iyo myambaro irimo iyo izajya yambara yakiniye mu rugo cyangwa yasuye, hamwe n’amatiliningi n’ibikapu abakinnyi batwaramo ibikoresho.

Iyi myambaro mishya ubuyobozi bw’ikipe bwayeretse abahagarariye amatsinda y’abafana kuri uyu wa Gatatu tariki 22 Kanama 2018.

Iyo izajya yambara igihe yakiniye mu rugo, yiganjemo amabara y’ubururu hasi no hejuru, imipira ikaba umukubo w’umweru ku ijosi n’uturongo tubiri tw’umweru imbere naho amakabutura akatugira ku mpande.

Aho itandukaniye n’iy’umwaka ushize ni uko yo yari ubururu hose uretse intugu z’imipira zari umweru.

Iyo izajya yambara yasohotse yiganjemo ibara ry’umweru, ifite uturongo tw’ubururu haba ku mipira n’amakabutura.

Iyi myambaro yaguzwe na Skol mu masezerano ifitanye na Skol.

Uretse imyenda, Skol iha Rayon Sports amafaranga miliyoni 64 Frw mu mwaka w’imikino ikayongereraho uduhimbazamusyi mu gikombe cy’Amahoro bitewe n’icyiciro igezemo.

Imyenda iyi kipe izambara yerekanwe nyuma y’igihe gito iguriye abakinnyi costume.

Buri mukinnyi azanahabwa igikapu cyo gutwaramo ibikoresho

Imyambaro yo hanze izaba yiganjemo ibara ry'umweru

Imyambaro yo mu rugo ni ubururu

Aya ni amapantalo n'amakoti abakinnyi bazajya bambara igihe berekeje aho umukino uri bubere