Rushenguziminega w’imyaka 24 yagiye muri FC Lausanne-Sport yo mu cyiciro cya kabiri avuye muri Stade-Lausanne-Ouchy yakiniye imikino 21 atsinda ibitego 23.

Kuri uyu wa Gatatu nibwo Nzamwita Vincent, umuyobozi wa FERWAFA yahuye na Quentin n’ababyeyi barimo se, Rushenguziminega uba mu Busuwisi kuva mu 1972 abaganiriza kuba uyu musore yakinira u Rwanda.

Rushenguziminega Quentin yagiranye ibiganiro n'umuyobozi wa FERWAFA

Uyu musore ukina nka rutahizamu yemeye gukinira u Rwanda kuva ku mukino wa Ghana w'amajonjora y'igikombe cy'Afurika

Nzamwita avuga ko igitekerezo cyo gukinira u Rwanda ababyeyi be bacyakiriye neza ndetse avuga ko azaboneka ku mukino wa kabiri w’amajonjora y’igikombe cy’Afurika na Ghana muri Nzeli.

Nyuma yo kubonana na Rushenguziminega Quentin, umuyobozi wa FERWAFA yagombaga guhura na Kevin Monnet Paquet ukinira St Etienne yo mu cyiciro cya mbere mu Bufaransa.

Aba basore bombi baherukaga guhurira mu mukino wa gicuti banganyijemo ibitego 2-2.

Se, Rushenguziminega yavuye mu Rwanda mu 1972 atura mu Busuwisi

Afite undi mubyeyi w'Umusuwisi

Kuri uyu wa Gatandatu nibwo shampiyona y’icyiciro cya kabiri cy’u Busuwisi (Challenge League) itangira, Lausanne Sport izakira Biel-Bienne.

U Rwanda rwatsinze umukino ubanza w’amajonjora bakina na Mozambique igitego 1-0 cya Sugira Ernest.

Ababyeyi be bashyigikiye ko umuhungu wabo azakinira u Rwanda

Rushenguziminega yagiye muri FC Lausanne-Sport avuye muri Stade-Lausanne-Ouchy yakiniye imikino 21 atsinda ibitego 23