Hari ku munota wa 77 ubwo uyu musore wari wakiriye amarangamutima y'abatari bake kuri Stade Huye, yasimburwaga na Muhire Kevin ukinira Rayon Sports, maze abenshi mu bafana bereka umutoza w'Amavubi Torsten Frank Spittler ko batishimiye izi mpinduka, bavuza induru ndetse hari n'abavuze bati "Oya".

Izi mpinduka si abafana b'Amavubi gusa zitashimishije kuko na nyirubwite Sahabo Hakim yasohotse mu kibuga aseka gusa ubwo yatambukaga ku ntebe y'abasimbura nibwo yerekanye ko ababajwe no gukurwamo nyamara yari agifite byinshi byo gutanga.

Ibi yabyerekanye atera agacupa umugeri maze asakuza yiyamira avuga ijambo 'Oya'.

Yakurikiwe na Nshuti Innocent wari umaze gusimburwa na Sibomana Patrick 'Papy' ukinira Gor Mahia yo muri Kenya.

Sahabo yakomeje gusobanurira Nshuti iby'impinduka zimukorewe nubwo uyu Rutahizamu wa APR FC ntacyo yari gukora.

Izi mpinduka ntacyo zaje gutanga kuko umukino warangiye Amavubi anganyije na Zimbabwe 0-0 bituma u Rwanda ruyobora itsinda C (hakurikijwe inyajwi) n'inota rimwe runganya na Zimbabwe. Nigeria, Benin, Lesotho na Afurika y'Epfo zitarakina zifite ubusa.

Ku munota wa 77 w'umukino Shabo Hakim yasimbuwe na Muhire Kevin
Ku munota wa 77 w'umukino Shabo Hakim yasimbuwe na Muhire Kevin
Uyu musore w'imyaka 18 ntiyishimiye gusimburwa kuko yari agifite byinshi byo gutanga
Uyu musore w'imyaka 18 ntiyishimiye gusimburwa kuko yari agifite byinshi byo gutanga
Yahawe amazi n'Umuganga w'Ikipe y'Igihugu
Yahawe amazi n'Umuganga w'Ikipe y'Igihugu
Sahabo yakoraga ibimenyetso byo kutishimira impinduka zamukoreweho
Sahabo yakoraga ibimenyetso byo kutishimira impinduka zamukoreweho
Sahabo Hakim yarebye agacupa kari gateretse hasi imbere ye aza agasatira
Sahabo Hakim yarebye agacupa kari gateretse hasi imbere ye aza agasatira
Yagateye umugeri nk'uburyo bwo kwerekana amarangamutima ye
Yagateye umugeri nk'uburyo bwo kwerekana amarangamutima ye
N'umujinya mwinshi yagateye umugeri kazamuka mu kirere
N'umujinya mwinshi yagateye umugeri kazamuka mu kirere
Abakinnyi n'abatoza bari bicaye ku ntebe y'abasimbura batunguwe
Abakinnyi n'abatoza bari bicaye ku ntebe y'abasimbura batunguwe
Ubwo yaganaga aho yagombaga kwicara Myugariro Mitima Isaac yagerageje kumuguyaguya
Ubwo yaganaga aho yagombaga kwicara Myugariro Mitima Isaac yagerageje kumuguyaguya
Yamubwiye ko ibyo akoze atari byiza
Yamubwiye ko ibyo akoze atari byiza
Sahabo yaje agana mu byicaro
Sahabo yaje agana mu byicaro
Yageze aho yegama mu ntebe akurikira umukino
Yageze aho yegama mu ntebe akurikira umukino
Tuyisenge Eric 'Cantona' umwe mu bashinzwe gucunga ibikoresho by'Amavubi yaje kuganiriza Sahabo ngo amugabanyirize uburakari
Tuyisenge Eric 'Cantona' umwe mu bashinzwe gucunga ibikoresho by'Amavubi yaje kuganiriza Sahabo ngo amugabanyirize uburakari
Sahabo Hakim yanyuzagamo akaganira na Rutahizamu Nshuti Innocent ku migendekere y'umukino
Sahabo Hakim yanyuzagamo akaganira na Rutahizamu Nshuti Innocent ku migendekere y'umukino
Sahabo yageze aho yubika umutwe kuera impinduka zamukorewe
Sahabo yageze aho yubika umutwe kuera impinduka zamukorewe
Nyuma yo gusimburwa Sahabo ntabwo yari yishimye
Nyuma yo gusimburwa Sahabo ntabwo yari yishimye

Amafoto: Ntare Julius