Iyi kipe biteganyijwe ko izatangira imyitozo kuwa Mbere, yitegura umukino ubanza w’ijonjora ry’ibanze ryo gushaka itike y’igikombe cya Afurika kizabera mu Misiri muri 2019, uzaba tariki 14 Ugushyingo kuri Stade Umuganda mu Karere ka Rubavu.

Ikipe izayoborwa n’abatoza bakiri bato bayobowe na Jimmy Mulisa, umutoza wa gatatu wa APR FC, yungirijwe na Djabil Mutarambirwa umutoza muri Kiyovu sports na Mugabo Alexis utoza abazamu.

Hategekimana Corneille azaba ashinzwe kongerera abakinnyi imbaraga, Tuyishime Jean Claude abe umuganga w’iyi kipe, naho Ntarengwa Aimable usanzwe akora mu Isonga FA abe ‘Team Manager’.

Mulisa akimara guhabwa aka kazi yahamagaye abakinnyi 29 biganjemo abari mu ikipe y’igihugu y’abatarengeje imyaka 20, yatozwaga na Kayiranga Baptiste muri 2016.

Abakinnyi bahamagawe barimo abazwi bari no mu bihe byiza nka Dominique Savio Nshuti wafashije APR FC gutwara Super Cup anayitsindira igitego mu mukino ufungura shampiyona, Muhire Kevin na Manishimwe Djabel bagejeje Rayon sports muri ¼ cya CAF Confederation Cup.

Harimo kandi ba rutahizamu babiri bakina muri Tunisia; Nshuti Innocent wa Stade Tunisien na Biramahire Abeddy wa CS Sfaxien.

Urutonde rwahamagariwe kwitegura RDC

Abanyezamu: Cyuzuzo Gael (Gasogi Utd), Ntwali Fiacre (APR Fc), Nzeyirwanda Djihad (SC Kiyovu) na Hakizimana Adolphe (Isonga Academy).

Ba myugariro: Rwabuhihi Aime Placide (SC Kiyovu), Buregeya Prince (APR FC), Ishimwe Christian (Marines FC), Mutsinze Ange (Rayon Sports FC), Niyomugabo Claude (AS Kigali), Niyigena Clement (Marines FC), Nkubana Marc (Gasogi Utd), Nshimiyimana Marc (AS Kigali), Runanira Amza (Marines FC), Aimable Nsabimana (Minerva Punjab FC, India) na Ndahiro Derrick (SC Villa, Uganda).

Abakina hagati: Bonane Janvier (SC Kiyovu), Nduwayo Valeur (Musanze FC), Ishimwe Saleh (SC Kiyovu), Manishimwe Djabel (Rayon Sports FC), Cyitegetse Borde (AS Kigali), Niyonkuru Sadjati (Marines FC), Byunvuhore Tresor (Gasogi Utd), Rugambwa Jean Baptiste (Gasogi Utd), Nshuti Savio Dominique (APR FC), Muhire Kevin (Rayon Sports FC), Mugisha Patrick (Marines FC) na Muhoza Freddy (AS Kigali)

Ba rutahizamu: Nshuti Innocent (Stade Tunisien, Tunisia), Byiringiro Lague, APR FC), Mugisha Patrick (Marines) na Biramahire Abeddy (CS Sfaxien, Tunisia).

Muhire Kevin mu bakinnyi b'Amavubi bagomba kwitegura RDC

Nshuti Dominique Savio mu bakinnyi bakomeye bazahangana na RDC mu majonjora y'igikombe cya Afurika cy'abatarengeje imyaka 23

Ubusatirizi bw'Amavubi U23 buzayoborwa na Nshuti Innocent na Biramahire Abeddy bakina muri Tunisia

Benshi mu bakinnyi bari mu Mavubi U20 muri 2016 bagarutse

Umutoza Jimmy Mulisa niwe wahawe inshingano zo kuyobora Amavubi U23