Mbere y’uko umwaka w’imikino wa 2025/26, Ishyirahamwe ry’Umupira w’Amaguru mu Rwanda (FERWAFA) ryashyize iyi Stade iherereye mu Karere ka Rubavu, mu bibuga bitazakinirwaho Shampiyona y’Icyiciro cya Mbere mu gihe nta gikozwe, kubera umwanda mwinshi yagaragazaga.

Ntibyari ubwa mbere kuko mu mpera za 2021, Minisiteri ya Siporo yigeze gufata icyemezo cyo guhagarika amakipe arimo Marine FC, Etincelles na Rutsiro FC kwakirira imikino ya Shampiyona kuri iyi stade kuko yari yarangiritse bitewe n’imitingito yakurikiye iruka ry’Ikirunga cya Nyiragongo, ku buryo yashoboraga gushyira ubuzima bw’abafana n’abakinnyi mu kaga.

Kuri izo nshuro zombi, ibibazo byarakemuwe, iyi Stade ifite ubushobozi bwo kwakira abafana 5000 bicaye neza, yongera kwemererwa kuberaho Shampiyona.

Nubwo bimeze bityo, uyu munsi iyo uyigezeho ubona ko yangiritse ndetse ikwiye gusanwa mu maguru mashya kuko birushaho kwiyongera uko bwije n’uko bukeye.

Umuyobozi w’Akarere ka Rubavu, Mulindwa Prosper, yabwiye IGIHE ko bagerageza kwita kuri iki gikorwaremezo ariko kukivugurura bisaba ingengo y’imari ihagije.

Ati “Stade Umuganda ni igikorwaremezo kinini, kibungabungwa/gisanwa n’Akarere mu buryo busanzwe (maintenance). Ariko ibyo ntibiba bihagije kuko nyuma y’igihe kinini haba hakenewe kuvugurura (rehabilitation), bisaba gutegurirwa ingengo y’imari ihagije.”

Si ikibazo cyo kwangirika kw’inyubako gusa kuko n’ahicara abakinnyi hashaje ndetse kuri ubu iyi stade ntishobora kwakira imikino yo mu ijoro kuko amatara yayo yajyanywe kuri Stade ya Huye ubwo yavugururwaga mu 2019.

Meya Mulindwa yavuze ko ikibazo cy’amatara kimaze iminsi gishakirwa umuti ndetse nta gihindutse cyakemuka muri Kanama uyu mwaka.

Ati “Kubona amatara biri mu nzira y’isoko (Procurement) ryatanzwe na Rwanda Housing Authority (RHA). Hatabayemo imbogamizi, byazarangira muri Kanama 2026.”

Stade Umuganda yubatswe n’umuganda w’abaturage mu 1982. Yavuguruwe bwa mbere mu 2011 igiye kwakira Igikombe cya Afurika cy’Abatarengeje imyaka 17.

Yongeye kuvugururwa mu 2015 hitegurwa CHAN 2016 aho icyo gihe yanakiweho umukino wa gicuti wabaye nijoro, wahuje u Rwanda na Repubulika Iharanira Demokarasi ya Congo mbere y’uko irushanwa ritangira.

Mu mafoto: Reba uko Stade Umuganda imeze uyu munsi:

Uko Stade Umuganda igaragara imbere, uhagaze mu gice cyegereye ahigishirizwa imodoka

Inzira igana mu rwambariro rwa Stade Umuganda, uvuye mu kibuga

Inzira ijya mu rwambariro rwa Stade Umuganda ni uku imeze

Inzira yo hagati mu rwambariro rwa Stade Umuganda

Uko Stade Umuganda igaragara urebeye ibumoso bw'amarembo yayo manini yinjirirwaho n'abanyacyubahiro

Ukomeje ibumoso, uvuye ku marembo manini, inyuma ya Stade ni uku hameze

Muri uru ruhande hari ibyuma bishaje by'ubwatsi n'ibindi bikoresho

Kuri uru ruhande rw'ibumoso, hari ama-graviers yifashishwa mu bwubatsi

Stade Umuganda igaragara nk'iyangiritse kuko ibikuta byayo bifite imitutu

Aha hangiritse ni ho hari 'graviers' zifashishwa mu kubaka

Uyu muryango wa Stade Umuganda, uri hafi y'aharunze ibikoresho bishaje, ntukunze gukoreshwa

Hari aharunze amatiyo inyuma ya Stade

Uko inyuma y'urwambariro rwa Stade Umuganda hameze

Ahari amatiyo n'umureko w'amazi ava ku gisenge cy'inyubako zigize Stade Umuganda

Birasa n'aho Stade yatangiye kwangirika ku musingi wayo nubwo ari ku makoro

Ahagana ku muryango wa kane wa Stade Umuganda ni uku hameze ndetse biragaragara ko hangiritse cyane

Aho abantu bakarabira, hateganye n'umuryango wa gatatu wa Stade Umuganda

Aho amazi anyura nyuma yo kugaraba

Ku muryango wa kane harangiritse bikabije

Umuryango wa gatatu wa Stade Umuganda uri iburyo, unyuze ku marembo manini

Hari aho bigaragara ko nta gikozwe iyi stade izakomeza kwangirika birushijeho

Bigaragara ko iyi nzira imaze gusaza

Ingazi zijya ku muryango wa kabiri wa Stade Umuganda

Uruhande rwa Stade Umuganda ubona iyo uri ahigishirizwa imodoka, hanze yayo

Hanze y'umuryano wa kane wa Stade Umuganda haba ikibuga abana bakiniramo

Hanze, inyuma y'urwambariro rw'abakinnyi kuri Stade Umuganda

Inyuma ya Stade, uhagaze ibumoso bw'amarembo manini, hafi y'urwambariro

Ku marembo ya kabiri ya Stade Umuganda, aho abafana binjirira iburyo

Amafoto: Umwari Sandrine