U Butaliyani bwatunguwe na Costa Rica, u Bwongereza burataha

00:00:00 IGIHE NETWORK

KINYARWANDA

ENGLISH

FRANCAIS

U Butaliyani bwatunguwe na Costa Rica, u Bwongereza burataha

Yanditswe na

Tity Thierry Kayishema

Kuya 20 June 2014 saa 08:20

Yasuwe :

Yavuzweho:

Kapiteni wa Costa Rica, Bryan Luiz yatsinze u Butaliyani igitego mu gice cya mbere ihita ibona itike ya 1/8 cy’irangiza naho Abongereza batsinzwe umukino wa kabiri na Uruguay barasezererwa.
Rutahizamu wa Fulham yo mu Bwongereza watijwe muri PSV Eindhoven, Bryan Luiz yatsinze igitego cy’umutwe mu izamu rya Gianluigi Buffon ku mupira yari aherejwe na myugariro wa Costa Rica, Júnior Díaz.
Umutoza w’u Butaliyani, Cesare Prandelli yari yakoze impinduka eshatu ku ikipe yatsinze u Bwongereza, (…)

Kapiteni wa Costa Rica, Bryan Luiz yatsinze u Butaliyani igitego mu gice cya mbere ihita ibona itike ya 1/8 cy’irangiza naho Abongereza batsinzwe umukino wa kabiri na Uruguay barasezererwa.

Rutahizamu wa Fulham yo mu Bwongereza watijwe muri PSV Eindhoven, Bryan Luiz yatsinze igitego cy’umutwe mu izamu rya Gianluigi Buffon ku mupira yari aherejwe na myugariro wa Costa Rica, Júnior Díaz.

Umutoza w’u Butaliyani, Cesare Prandelli yari yakoze impinduka eshatu ku ikipe yatsinze u Bwongereza, mu izamu Salvatore Sirigu yasimbuwe na Buffon, yongeramo kandi na Thiago Motta na Ignazio Abate basimbuye Gabriel Paletta na Marco Verratti.

Mu gihe Costa Rica yatsinze Uruguay ibitego 3-1 yagarutse yose.

Costa Rica yashoboraga kubona penaliti ku ikosa Giorgio Chiellini na Andrea Barzagli bakoreye rutahizamu wa Arsenal, Joel Campbel watijwe muri Olympiacos.

Umukino utangiye Mario Balotelli wari wasabye ko batsinze Costa Rica yasomwa n’umwamikazi w’u Bwongereza, yahushije igitego nyuma yo kuroba umuzamu umupira ujya hanze.

Igice cya mbere cyarangiye Costa Rica iyoboye umukino, yagumanye umupira ku kigereranyo cya 60%.

Costa Rica yatsinze umukino ubanza Uruguay ibitego 3-1 yahise ikatisha itike ya 1/8, u Butaliyani bwari bwatsinze u Bwongereza buzacakirana na Uruguay kuwa Kabiri bishakemo ikomeza.

U Bwongereza bwatsinzwe imikino yombi bwasezerewe nubwo bufite umukino wa nyuma mu itsinda na Costa Rica kuwa Kabiri. Iyi kipe ikurikiye Espagne, Cameroun na Australia zamaze gusezererwa.

Ni ku nshuro ya mbere kuva mu 1958, u Bwongereza busezererwa nyuma y’imikino ibiri yo mu matsinda.

U Butaliyani niyo kipe imaze gusifurirwa kurarira cyane mu gikombe cy’Isi 2014, inshuro 9. Iyi kipe yatwaye igikombe cy’Isi 2006 ntirabasha gutsinda mu mikino 8 igihe yabanje kwinjizwa igitego kuva mu 1994 na Nigeria (2-1).

Mu bikombe bitatu biheruka, u Butaliyani ntiburabasha gutsinda umukino wa kabiri.

Costa Rica yabaye ikipe ya gatatu yo muri Amerika yo hagati na ruguru (CONCACAF) itsinze imikino itatu y’igikombe cy’Isi ikurikirana nyuma ya Leta Zunze Ubumwe z’Amerika na Mexique.