Amakipe yombi y'u Rwanda yahagurutse i Kigali tariki ya 1 Kamena 2023, afite intego zo kwegukana ibikombe by'iri rushanwa.

Paris Saint-Germain Academy Rwanda yabashije kwitwara neza mu minsi ibiri y’irushanwa imaze gukinwa kuko yatsinze imikino yose ibasha kugera ku mikino ya nyuma.

Ikipe y’abatarengeje imyaka 11 yitwaye neza kuva ku munsi wa mbere, ibanza gutsinda Kuwait mbere yo gukurikizaho Turikiya n’u Bufaransa.

Mu batarengeje imyaka 13, u Rwanda rwatsinze Turikiya, u Bufaransa, u Bwongereza ndetse na Koreya y’Epfo, rubona kubona itike igera ku mukino wa nyuma.

Mu byiciro byombi, u Rwanda rurakina na Brésil ku mikino ya nyuma iteganyijwe kuri uyu wa Mbere kuri Parc des Princes, ruhatanira Igikombe cy’Isi kiri guhuza ibihugu birenga 20 byitabiriye iri rushanwa.

Iri rushanwa riri kuba ku nshuro ya karindwi, ikaba iya kabiri ryitabirwa n’ikipe zo mu Rwanda. Ku nshuro ya mbere, abatarengeje imyaka 13 b’u Rwanda begukanye igikombe mu gihe abatarengeje imyaka 11 basoreje ku mwanya wa kane.

AMAKURU MASHYA

U Rwanda rwageze ku mukino wa nyuma mu cyiciro cy'abatarengeje imyaka 11 n'icy'abaterengeje imyaka 13 mu Irushanwa rihuza za Académie za Paris Saint-Germain ku Isi.

Muri iri rushanwa riri kubera mu Bufaransa, u Rwanda ruzakina na Brésil mu byiciro byombi. pic.twitter.com/mq1mcZRkos

— IGIHE Sports (@IGIHESports) June 4, 2023