Ubwo Manchester United yari imaze umwaka idakina UEFA Champions League izaba isura PSV Eindhoven, rutahizamu wayo Memphis Depay azaba ahura n'ikipe yahozemo.

Undi uzaba usubiye ku ivuko ni Zlatan Ibrahimovic wa Paris Saint – Germain bakina na Malmo.

Chelsea yo izaba ikina na FC Porto yatwaye iki gikombe mu 2004 itozwa na Jose Mourinho.

Memphis Depay azahura n'ikipe yahoze akinira mbere yo kujya muri Manchester United
Memphis Depay azahura n'ikipe yahoze akinira mbere yo kujya muri Manchester United
Nyuma yo kuzitirwa inshuro nyinshi na Bayern Munich, Wenger agomba kuyicira umuvuno
Nyuma yo kuzitirwa inshuro nyinshi na Bayern Munich, Wenger agomba kuyicira umuvuno

Manchester City iri mu itsinda rimwe na Juventus yatwaye shampiyona y'u Butaliyani yatsindiwe ku mukino wa nyuma na FC Barcelona hamwe na Sevilla yatwaye Europa League.

Espagne ifite amakipe atanu mu matsinda, umuhigo bihariye, Valencia yabonye itike isezereye Monaco mu mikino ya kamarampaka yiyongera kuri Sevilla yatwaye Europa League hamwe na Real Madrid, Barcelona na Atletico Madrid.

Imikino ibanza mu matsinda izakinwa tariki ya 15–16 Nzeli isozwe tariki ya 8–9 Ukuboza 2015.

Tariki ya 16–17 & 23–24 Gashyantare 2016 hazakinwa imikino ibanza ya 1/8 cy’irangiza iyo kwishyure ibe tariki ya 8–9 & 15–16 Werurwe 2016.

FC Barcelona ifite akazi gakomeye ko guhatanira kugumana igikombe batwaye batsinze Juventus 3-1
FC Barcelona ifite akazi gakomeye ko guhatanira kugumana igikombe batwaye batsinze Juventus 3-1
Nyuma yo kugitwara ku nshuro ya 10, umutoza Raphael Benitez arasabwa kongera amateka cyangwa akirukanwa
Nyuma yo kugitwara ku nshuro ya 10, umutoza Raphael Benitez arasabwa kongera amateka cyangwa akirukanwa

Amakipe umunani azaba asigaye muri iri rushanwa azakina imikino ibanza tariki ya 5–6 Mata naho iyo kwishyura ibe tariki ya 12–13 Mata 2016.
½ cy’iri rushanwa kizatangira tariki ya 26–27 Mata basoze tariki ya 3–4 Gicurasi 2016.

Umukino wa nyuma uzabera I Malin mu Butaliyani kuri stade San Siro tariki ya 28 Gicurasi 2016, mu 2015 Barcelona yatwaye igikombe itsinze Juventus ibitego 3-1.

Ni ku nshuro ya 61 hazaba hakinwa iyi mikino y’amakipe yabaye aya mbere i Burayi ikaba inshuro ya 24 ryiswe UEFA Champions League.

Amakipe 32 niyo azahatanira isimbura FC Barcelona, ku nshuro ya mbere ikipe yo muri Kazakhstan igiye gukina mu matsinda
Amakipe 32 niyo azahatanira isimbura FC Barcelona, ku nshuro ya mbere ikipe yo muri Kazakhstan igiye gukina mu matsinda

Uko batomboranye mu matsinda 1/16 cy’irangiza

A: Paris Saint – Germain, Real Madrid (Espagne), Shakhtar Donetsk (Ukraine), Malmö (Suede)

B: PSV Eindhoven (u Buholandi), Manchester United (u Bwongereza), CSKA Moskva (u Burusiya), Wolfsburg (u Budage)

C: Benefica (Portugal), Atletico Madrid (Espagne), Galatasaray (Turukiya), Astana (Kazakhstan)

D: Juventus (u Butaliyani), Manchester City (u Bwongereza), Sevilla (Espagne), Borussia Mönchengladbach (u Budage)

E: FC Barcelona (Espagne), Bayer Leverkusen (u Budage), AS Roma (u Butaliyani), Bate (Belarussie)

F: Bayern Munich (u Budage), Arsenal (u Bwongereza), Olympiacos(u Bugereki), Dinamo Zagreb (Croatia)

G: Chelsea FC (u Bwongereza), FC Porto (Portugal), Dynamo Kyiv (Ukraine), Maccabbi Tel-Aviv(Israel)

H: Zenit St Petersbourg (u Burusiya), Valencia (Espagne), Lyon (u Bufaransa), Gent (u Bubiligi)