UCL: Real Madrid yanditse amateka mashya, Liverpool yongera gutsikira (Amafoto)

00:00:00 IGIHE NETWORK

KINYARWANDA

ENGLISH

FRANCAIS

UCL: Real Madrid yanditse amateka mashya, Liverpool yongera gutsikira (Amafoto)

Yanditswe na IGIHE

Kuya 27 September 2017 saa 08:43

Yasuwe :

Yavuzweho:

Imikino ihuza amakipe yabaye aya mbere iwayo ku mugabane w’i Burayi (UEFA Champions League), yakomeje ku mugoroba wo kuri uyu wa Kabiri, Real Madrid yandika amateka mashya yo gutsindira Borussia Dortmund ku kibuga cyayo Signal Iduna Park ibitego 3-1, mu gihe Liverpool yongeye gutsikira, inganyiriza mu Burusiya na Spartak Moscow 1-1.

Ku munsi wa kabiri w’imikino yo mu matsinda ya Champions League, Real Madrid ifite ibikombe bibiri biheruka, yari yasuye Borussia Dortmund yo mu Budage ndetse iza kwitwara neza iyitsinda ibitego 3-1, ikora amateka mashya yo gukura amanota atatu kuri iyi kipe imbere y’abafana 65 849.

Ikipe ya Zinedine Zidane idahagaze neza muri Shampiyona ya Espagne, La Liga, aho iri ku mwanya wa gatandatu, niyo yinjiye mu mukino mbere ndetse rutahizamu Gareth Bale ayifasha gufungura amazamu ku munota wa 18 w’umukino mbere y’uko Cristiano Ronaldo ashyiramo icya kabiri ku wa 50.

Nyuma y’iminota ine gusa, Umunya-Gabon, Pierre-Emerick Aubameyang, yaboneye Dortmund igitego, cyagaruye iyi kipe mu mukino gusa icyizere cyo kuwutsinda cyaje kuyoyoka ku munota wa 79 ubwo Cristiano Ronaldo yashyiragamo icya gatatu cy’agashinguracumu.

Rutahizamu ukomoka muri Portugal Cristiano Ronaldo yongeye gushimangira ubudahangarwa atsinda ibitego bibiri mu mukino wa 150 mu yo ku mugabane w’u Burayi akinira Real Madrid, ahita anagera ku bitego 109 mu mikino ya Champions League.

Ku rundi ruhande mu itsinda E, Liverpool yanganyije na Spartak Moscow mu mukino wabereye kuri Otkrytiye Arena. Spartak yakiniraga imbere y’abafana bayo 43 376 yafunguye amazamu ku munota wa 23 ku gitego cyatsinzwe na Fernando ku mupira w’umuterekano. Liverpool yaje gucungurwa na Philippe Coutinho ku munota wa 31.

Iyi kipe y’umutoza Jurgen Klopp yahabwaga amahirwe mbere y’umukino yabuze uburyo bwari bwabazwe ndetse abakinnyi bayo barimo Mohamed Salah, Roberto Firmino na Daniel Sturridge bose bageze imbere y’izamu ariko amahirwe babonye ntibayabyaza umusaruro.

Ni umukino wa kabiri iyi kipe ifite amateka mu Bwongereza n’i Burayi yanganyije nyuma yo kugwa miswi na Seville yo muri Espagne mu mukino ufungura.

Uko imikino yagenze mu matsinda yose:

Group E

Sevilla 3 - 0 Maribor
Spartak Moscow 1 - 1 Liverpool

Group F

Manchester City 2 - 0 Shakhtar Donetsk
SSC Napoli 3 - 1 Feyenoord

Group G

Besiktas 2 - 0 RasenBallsport Leipzig
Monaco 0 - 3 FC Porto

Group H

APOEL Nicosia 0 - 3 Tottenham Hotspur
Borussia Dortmund 1 - 3 Real Madrid

Imikino iteganyijwe kuri uyu wa Gatatu, tariki ya 27 Nzeri 2017, kuva saa mbili na 45:

Group A