Tombola yabereye i Nyon mu Busuwisi kuri uyu wa Gatanu, yabaye nta bantu benshi bahari uretse abatomboraga gusa kubera amabwiriza yo kwirinda Covid-19.

Yasize Manchester United iri mu makipe ahabwa amahwirwe mu irushanwa ry’uyu mwaka ishobora guhura na Istanbul Basaksehir cyangwa Copenhagen muri ¼ .

Europa League yahagaze tariki 12 Werurwe hamaze gukinwa imikino ibanza ya 1/8, izasubukurwa tariki ya 5 n’iya 6 Kanama haba imikino yo kwishyura (ahabaye imikino ibanza).

Guhera muri kimwe cya kane imikino izabera mu Budage mu Mijyi ya Cologne, Duisburg, Düsseldorf na Gelsenkirchen muri Kanama, haba umukino umwe.

Imikino yo kwishyura yari isigaye nayo izakinirwa aho yagombaga kubera cyangwa mu Budage mu gihe Inter Milan na Getafe, Seville FC na AS Roma zitakinnye umukino n’umwe, zizahura inshuro imwe (nta mukino wo kwishyura uzabaho).

Uko imikino ibanza ya 1/8 yari yagenze:

• Copenhagen 0-1 Istanbul Basaksehir
• Wolves 1-1 Olympiakos
• Bayer Leverkusen 3-1 Rangers
• Shakhtar Donetsk 2-1 Wolfsburg
• Basel 0-3 Eintracht Frankfurt
• Manchester United 5-0 LASK

Uko tombola ya ¼ yagenze:

1. Wolfsburg/Shakhtar Donetsk vs Eintracht Frankfurt/Basel
2. LASK/Manchester United vs Istanbul Basaksehir/Copenhagen
3. Inter Milan/Getafe vs Rangers/Bayer Leverkusen
4. Olympiakos/Wolves vs Sevilla/Roma

Muri ½, ikipe izatsinda umukino wa kane wa ¼ (nk’uko byagenze muri tombola) izahura n’iyatsinze umukino wa kabiri wa ¼ . Izakomeza hagati y’izizakina umukino wa gatatu wa ¼ izahura n’izaba yatsinze mu mukino wa mbere wa ¼ .

Umukino wa nyuma uzakinwa tariki 21 Kanama 2020.

Manchester United iri mu makipe ahabwa amahirwe yo kwegukana Europa League y'uyu mwaka