Ibitego bitatu byinjijwe n’Umunya-Senegal Sadio Mane na Xherdan Shaqiri watsinze ibitego bibiri, byatumye Liverpool itsinda biyoroheye Manchester United yagowe cyane n’uyu mukino kuko warangiye Liverpool iteye amashoti agana ku izamu 36 kuri atandatu gusa ya Man United.

Uyu musaruro muke wa Manchester United imbere ya mukeba, uri mu byatumye umutoza José Mourinho yirukanwa, cyane ko Man United ubu iri inyuma ya Liverpool ya Klopp iyoboye urutonde rwa shampiyona amanota 19 yose, nyamara bamaze gukina imikino 17 gusa.

Si inshuro ya mbere umutoza Jürgen Klopp atsinda Mourinho bikamuviramo kwirukanwa kuko umukino wa mbere uyu Mudage yatsinze akigera muri Liverpool mu Ukwakira 2015 ni uwo yatsinze Chelsea yatozwaga Mourinho ibitego 3-1.

Uyu mukino washyize Mourinho ku gitutu gikomeye kuko ikipe ye yahise ijya ku mwanya wa 15 ku rutonde rwa shampiyona aho yari ifite amanota 11 mu mikino 11, bimuviramo kwirukanwa mu byumweru bibiri byakurikiyeho nyuma yo gutsindwa izindi nshuro ebyiri zikurikiranya na; AFC Bournemouth na Leicester City.

José Mourinho kandi muri 2013 yirukanywe muri Real Madrid nyuma yo kunyagirwa muri ½ cya UEFA Champions League n’ikipe ya Borussia Dortmund ibitego 4-1 birimo bitatu bya rutahizamu Robert Lewandowski wahise agurwa na Bayern Munich.

Ijoro ry'agahinda kuri Mourinho ni iryo ku Cyumweru tariki 16 Ukuboza 2018 ubwo yatsindwaga na Liverpool ya Klopp byamuviriyemo kwirukanwa muri Man United
Ijoro ry'agahinda kuri Mourinho ni iryo ku Cyumweru tariki 16 Ukuboza 2018 ubwo yatsindwaga na Liverpool ya Klopp byamuviriyemo kwirukanwa muri Man United
Intsinzi ya mbere Jurgen Klopp yabonye akigera mu Bwongereza 2015 ni iya 3-1 atsinda Mourinho byatumye yirukanwa muri Chelsea FC
Intsinzi ya mbere Jurgen Klopp yabonye akigera mu Bwongereza 2015 ni iya 3-1 atsinda Mourinho byatumye yirukanwa muri Chelsea FC
Jose Mourinho yirukanywe muri Real Madrid nyuma yo kunyagirwa 4-1 na Dortmund ya Jurgen Klopp
Jose Mourinho yirukanywe muri Real Madrid nyuma yo kunyagirwa 4-1 na Dortmund ya Jurgen Klopp