Uyu mukino w’Umunsi wa 29 wa Shampiyona y’u Bufaransa (Ligue 1), urabera kuri Parc des Princes saa Mbili na 45 ku mugoroba wo kuri iki Cyumweru, tariki ya 2 Mata 2023.

Ku wa Gatanu, tariki ya 31 Werurwe 2023, ni bwo PSG yo mu Murwa Mukuru wa Paris, ibinyujije ku mbuga nkoranyambaga zayo yahamagariye buri wese kumenya ibyiza bitatse urw’Imisozi Igihumbi.

Yagize iti “Visit Rwanda nk’umuterankunga wacu, azakeza ndetse anerekane umuco n’umwihariko w’u Rwanda ku wa 2 Mata 2023 ku Kibuga Parc des Princes. Ku bw’izo mpamvu turabakangurira gukurikira Visit Rwanda mukunguka byinshi biri mu gihugu cy’Imisozi Igihumbi.”

Iyi kipe isanzwe ifitanye amasezerano n’Urwego rw’Igihugu rw’Iterambere (RDB) yo kwamamaza Visit Rwanda.

Paris Saint-Germain imaze imyaka ine ikorana n’u Rwanda aho yamamaza ubukerarugendo bwarwo yaba ku kibuga no ku myenda hamwe n’ibindi bikorwa iyi kipe igaragaramo.

Ni amasezerano yafashije u Rwanda mu rwego rw’ubukerarugendo rukabasha kwinjiza amafaranga aruturukamo ndetse n’isura n’amateka yarwo akarushaho kumenyekana.

Shampiyona y’u Bufaransa igeze ku munsi wa 29, Paris Saint Germain iri ku mwanya wa mbere n’amanota 60, ikurikiwe na Olympique Marseille ifite 60 mu gihe AS Monaco ya gatatu ifite 54.

Umukino wa Paris Saint-Germain na Lyon wahaye umwihariko gahunda ya Visit Rwanda
Umukino wa Paris Saint-Germain na Lyon wahaye umwihariko gahunda ya Visit Rwanda
Umuco Nyarwanda urerekanwa mbere y'umukino wa PSG na Lyon kuri Stade Parc des Princes
Umuco Nyarwanda urerekanwa mbere y'umukino wa PSG na Lyon kuri Stade Parc des Princes
Abakinnyi ba Paris Saint-Germain bakorana imyitozo imyenda iriho Visit Rwanda
Abakinnyi ba Paris Saint-Germain bakorana imyitozo imyenda iriho Visit Rwanda
Mu bihe bitandukanye, abakinnyi ba PSG banyuzamo bagasura ibyiza bitatse u Rwanda
Mu bihe bitandukanye, abakinnyi ba PSG banyuzamo bagasura ibyiza bitatse u Rwanda