Umusifuzi Ngabonziza Jean Paul yafashe iki cyemezo mu gihe Mukura Victory Sports yari ifite igitego cyinjijwe na Nyarugabo Moïse ku munota wa 30.
Imvura yatangiye kugwa mu minota 20 y’umukino, yabaye nyinshi mbere y’uko igice cya mbere kirangira, ariko umukino urakomeza kugeza amakipe yombi agiye kuruhuka.
Mu gihe ikiruhuko cyo hagati mu mukino kimara iminota 15, cyarenzeho indi 20 mbere y’uko abasifuzi bane bayobowe na Ngabonziza Jean Paul bajya mu kibuga bafite imipira bakareba niba gukina bishoboka kuko amazi yari yabaye menshi.
Nyuma yaho, saa Kumi n’igice, bagarukanye n’aba Kapiteni bombi; Tuyisenge Jacques wa APR FC utari wabanje mu kibuga na Ngirimana Alex wa Mukura Victory Sports, na bo basuzuma niba bashobora gukina.
Saa Kumi n’iminota 51 ni bwo byemejwe ko umukino usubitswe ku cyemezo Ngabonziza yafashe ari kumwe n’aba ba Kapiteni bombi.
Amategeko ateganya ko umukino ushobora gukomereza aho wari ugeze mu gihe ukinwe bitarenze amasaha 24.
Amakuru IGIHE yamenye ni uko APR FC na Mukura VS zizasubira mu kibuga ku wa Kabiri, tariki ya 1 Gashyantare, zikina iminota 45 y’igice cya kabiri guhera saa Cyenda.
2/2 Hashingiwe ku biteganywa n'ingingo ya 38.3 y'amategeko agenga amarushanwa, uyu mukino uzongera gusubukurwa ejo ku munota warugezeho kandi ukinirwe ku kibuga waberagaho.
Murakoze.
— Rwanda FA (@FERWAFA) January 31, 2022
APR FC ya mbere n’amanota 31, ifite kandi umukino w’ikirarane izahuramo na Rutsiro FC ku wa Gatanu, tariki ya 4 Gashyantare 2022.
































Amafoto: Igirubuntu Darcy




Ibitekerezo 0