Iby’itsinda D birasobanuka kuri uyu mugoroba aho amakipe yatsinzwe, u Bwongereza na Uruguay itsindwa ihita isezererwa mu gihe Cote d’ivoir ikipe rukumbi ya Afurika yabonye intsinzi ikina na Colombia yatsinda ikabona itike bwa mbere ya1 /8.

Colombia vs Cote d’ivoir saa 18.00 @Estádio Nacional Mané Garrincha

Birashoboka ko nta mpinduka zaba ku ikipe ya Colombia yabanjemo ubwo yatsindaga u Bugereki ibitego 3-0 nubwo Fredy Guarin wari wahagaritswe umukino ubanza yagarutse gusa Carlos Bacca afite imvune.

Nyuma yo kwinjira asimbuye bagatsinda u Buyapani, umutoza Sabri Lamouchi ashobora kubanzamo kapiteni Didier Drogba agasimbura Wilfred Bony.

Umutoza wa Colombia Jose Pekerman yatozaga Argentina mu 2006 itsinda Cote d’ivoir ibitego 2-1. Ni umukino wa 100 kuri kapiteni wa Colombia Mario Yepes.

Wilfred Bony ashobora kongera kuyobora ab'imbere ba Cote d'ivoir

Intsinzi ebyiri Cote d’ivoir ifite mu gikombe cy’Isi yabaga yatsinze igitego, Serbia mu 2006 n’u Buyapana 2014.

Mu mikino 7 Cote d’ivoir yakinnye mu gikombe cy’Isi ytsindagamo igittego, uretse umukino baguye miswi na Portugal mu 200.

Uruguay vs u Bwongereza saa 21.00 Arena de São Paulo

Amakipe yombi yatsinzwe imikino ibanza yo mu itsinda D n’u Butariyani na Costa Rica.

Byemejwe ko ritahizamu wa Uruguay na Liverpool, Luis Suarez yakize imvune yo mu ivi gusa umutoza wa Uruguay, Oscar Tabarez yavuze ko nubwo yagarutse bigoye kumwitegaho byinshi.

Yagize ati “ Niba Suarez akinnye, ntitumwikoreze imitwaro kuko atameze neza nkuko yari ari muri shampiyona, gusa nubwo yaba ameze neza 100% aba afite byinshi yafasha ikipe.”

Kapiteni Diego Lugano afite imvune mu ivi mu gihe Maxi Perreira wahawe ikarita y’umutuku ashobora gusimburwa na Jorge Fucile.

Wayne Rooney amaze imikino 9 nta gitego atsindira ikipe y’igihugu, benshi basabye umutoza Roy Hodgson ko yamukura gukinira ku mpande agasatira anyuze mu kibuga hagati.

Nubwo Alex Oxlade-Chamberlain yasubiye mu myitozo ntaza kugaragara ku mukino wa Uruguay.

Ishiraniro: Nyuma yo gutsindwa n'u Butariyani, u Bwongereza burasabwa gutsinda Uruguay cyangwa bugasezererwa

Luis Suarez ashobora kubanza mu kibuga nyuma yo gukira imvune yo mu ivi

Aya amakipe yahuye kabiri mu gikombe cy’Isi, Uruguay yatsinze u Bwongereza 4-2 mu 1954 banganya 0-0 mu 1966.

Uruguay yashoboye gutsinda rimwe umukino wa kabiri mu matsinda ku nshuro 7 ziheruka, ni mu 2010 itsinda Afurika y’Epfo 3-0.

Nibura abakinnyi 17 muri 23 bagize Uruguay igihugu gito mu gikombe cy’Isi batwaye Copa America mu 2011.

Umukino wa nyuma kuri uyu wa Kane urahuza u Buyapani n’u Bugereki saa 23.59. Keisuke Honda atsinze igitego yaba Umunyaziya wa mbere utsinze ibitego 4 mu gikombe cy’Isi.

[email protected]