Appiah wabaye umutoza wa Ghana muri Mata 2012 yayihesheje itike y’igikombe cy’Isi cyabereye muri Brazil mu 2014, aba Umunyafurika wa mbere uhesheje igihugu itike y’igikombe cy’Isi, yabaye umutoza wa Al Khartoum mu Ukuboza 2014.

Al Khartoum yabaye iya kane muri shampiyona ya Sudani mu 2014 yasimbuye El Merreikh yatwaye CECAFA Kagame cup 2014 ariko ntizitabira iyi mikino kuko yahisemo gushyira imbaraga muri CAF confederation cup.

Ni akazi gakomeye kuri Gor Mahia ya Sibomana Abuba yasezerwe mu matsinda mu 2014 izakina umukino ufungura na Yanga ya Niyonzima Haruna yagitwaye mu 2011 na 2012 ntiyitabira irya 2013 ryabereye Darfur kubera umutekano muke.

Ni umwaka wa gatatu APR FC igiye gukina CECAFA, inshuro ebyiri ziheruka yatsindiwe ku mukino wa nyuma mu 2013 na Vital’o y’I Burundi na El Merreikh yo muri Sudani mu 2014 I Kigali.

Al Khartoum SC yasimbuye El Merreikh yabaye iya kane muri shampiyona ya Sudani mu 2014

Kwesi Appiah watoje Ghana mu gikombe cy'Isi 2014 azaba ayoboye Al Khartoum SC muri CECAFA Kagame cup

Iyi kipe izahagararira u Rwanda ishobora gukina idafite myugariro Bayisenge Emery ugiye kujya mu igeragezwa mu cyiciro cya kabiri mu Bufaransa, muri AS Nancy.

Amateka y’iyi mikino yatangiye mu 1967 iza guhinduka CECAFA Kagame cup agaragaza ko nta kipe irakura igikombe muri Tanzania kuko mu nshuro 11 bahakiniye byatwawe n’amakipe yaho nka Simba (6) na Yanga yagitwaye gatanu.

Amatsinda ya CECAFA Kagame cup 2015

Itsinda A: Yanga (Tanzania), Gor Mahia (Kenya), Khartoum-N (Sudan), Telecom (Somalia), KMKM (Zanzibar)

Itsinda B: APR FC (Rwanda), Al Shandy (Sudan), LLB AFC (Burundi), Heegan FC (Somalia)

Itsinda C: Azam FC (Tanzania), Malakia (Sudani y’Epfo), KCCA (Uganda), Adama City (Ethiopia).

Uko amakipe azahura mu minsi ibiri ya mbere

Tariki ya 18 Nyakanga 2015

KMKM vs Telecom

APR FC vs Al Shandy

Yanga vs Gor Mahia

Tariki ya 19 Nyakanga 2015

LLB vs Heegan

Adama City vs Malakia

Azam FC vs KCCA