Kuri uyu wa Gatanu, tariki ya 24 Nyakanga 2026, ni bwo kuri Stade Amahoro hatangiye kubera irushanwa rya CECAFA Kagame Cup 2026, rihuza amakipe yo muri Afurika y’Iburasirazuba n’iyo Hagati.

Itsinda A ni ryo ryabimburiye andi makipe gukina, umukino ubanza uhuza Vipers SC iri mu zahagarariye Kenya na Garde Républicaine FC.

Ni umukino wagaragaje imbaraga nke z’iyi kipe yo muri Djibouti ikinamo rutahizamu w’Ikipe y’Igihugu y’u Rwanda, Sibomana Patrick ‘Papy’, dore ko igice cya mbere yakirangije yatsinzwe ibitego 3-0.

Igitego cya mbere cyabonetse ku munota wa 17, gitsinzwe na Farouk Miya wateye coup franc yari hanze y’urubuga rw’amahina, ayishyira mu izamu ku ishoti ryananiye umunyezamu wa Garde, Liban Mohamed Said, kurikuramo.

Farouk ukina mu kibuga hagati yongeye kubona igitego cya kabiri ku munota wa 36, mbere y’uko amakipe yombi aruhuka Watambala Abdu Karim ashyiramo icya gatatu.

Igice cya kabiri Garde Républicaine FC yagerageje gukina ishaka kwishyura, ariko amahirwe yo kubona igitego akomeza kubura kugeza umukino urangiye ari ibitego 3-0.

Mbere y’uko APR FC yo mu Rwanda yikiranura na Gor Mahia, Vipers yahise iyobora Itsinda A n’amanota atatu, Garde iba iya nyuma n’umwenda w’ibitego bitatu.

Abakinnyi ba Vipers SC babanje mu kibuga

Umutoza Mukuru wa Garde Républicaine FC, Kadir Ahmed Robleh

Lavagne Denis Jean utoza Vipers SC yabonye intsinzi ya mbere

Malong Ring ni we wayoboye umukino

Abakinnyi 11 Vipers yabanje mu kibuga

Abakinnyi 11 Garde Républicaine FC yabanje mu kibuga

Abakinnyi b'amakipe yombi basuhuzanya mbere yo gutangira gukina

Umukino wa mbere wa CECAFA Kagame Cup wakiniwe kuri Stade Amahoro

Mandela Achraf wa Vipers ari kugerageza ishoti rigana mu izamu

Garde Républicaine FC yananiwe gutsinda umukino wa mbere wa CECAFA Kagame Cup

Vipers yabonye intsinzi ya mbere muri CECAFA Kagame Cup

Farouk Miya yitwaye neza afasha Vipers SC gutsinda umukino wa mbere muri CECAFA Kagame Cup