Muri Shampiyona yo mu Bwongereza Premier League, ikipi ya Chelsea nyuma yo gutsinda iya Everton ibitego bibiri kuri kimwe, bibaye intsinzi yayo ya kane yikurikiranya, ubu irabarizwa ku mwanya wa gatatu.

Umukino watangiye ikipi ya Everton itoroheye Chelsea ku buryo yaje kubona igitego cyayo cya mbere mu minota ibiri ya mbere y’umukino. Izamu rya Chelsea ritari ryorohewe n’abasore ba Everton ryakomeje gutabarwa n’umuzamu Cech. Ku munota wa 36 umukinnnyi Lampard yaboneye Chelsea igitego cyo kunganya, igice cya mbere cy’umukino kirangira ari igitegi kimwe ku kindi.

Mu gice cya kabiri, ikipi ya Chelsea yabonye igitego cyayo cya kabiri ku munota wa 72 ari na cyo cyayihesheje intsinzi kuri Everton.

Chelsea igeze ku mwanya wa gatatu n’amanota 38 inyuma ya Manchester United yicaye ku mwanya wa mbere n’amanota 49, Manchester City iri ku mwanya wa kabiri n’amanota 42, ariko Chelsea ikaba ifite umukino w’ikirarane; Tottenham iza ku mwanya wa kane n’amanota 36.

Ku mwanya wa nyuma haza Queens Park Rangers n’amanota 10, ibanzirizwa na Reading ifite amanota 13.