Mu igura ry’abakinnyi amakipe ashakisha abahanga kurenza abandi, imwe mu makipe yaguze abakinnyi basanzwe banazwi ku mafaranga menshi muri ruhago harimo Paris Saint Germain yo mu gihugu cy’u Bufaransa ivuga ko inashaka Cristiano Ronaldo umwe mu bakinnyi barimo kwigaragaza muri iyi minsi.

Nk’uko bitangazwa n’ikinyamakuru 7 sur 7, Real Madrid Ronaldo akinira irimo kuvugana we ku bijyanye n’uko bavugurura amasezerano afitanye na yo akazakomeza kuyikinira n’ubwo hakiri ikivi kinini bagomba kusa mu kumwemeza icyatuma aguma muri iyo kipe.

Mu gihe uyu mukinnyi yaba agiye, Real Madrid ivuga ko izahita igura Gareth Bale w’imyaka 23, umwe mu bahanga bakina mu ikipe ya Tottenham mu Bwongereza.