Umutoza wa Manchester United aravuga ko banyotewe cyane iki gikombe kuko umwaka ushize cyabanyuze mu myanya y’intoki, aho kuri ubu bamaze kurusha Manchester City ibakurikiye amanota 15, bityo mu mukino bafitanye ku wa 8 Mata 2013, Man U ikaba yizera ko izahakura amanota atatu.
Iyi ntsinzi izashimangira gutwara igikombe ku nshuro ya 20 muri shampiyona y’icyiciro cya mbere mu Bwongereza nk’uko Sir Alex Ferguson abyizeye. Ati “Dukeneye igikombe kandi dusigaranye imikino 8. Ntitugomba gutakaza inota na rimwe n’ubwo umukino uzaba ukomeye.”
Ferguson uteganya kugarura Rooney mu kibuga nyuma y’imvune yari amazemo iminsi, ikipe ye isigaye muri shampiyona kuko muri Champions league yakuwemo na Real Madrid, muri FA Cup igasezererwa na Chelsea, ukagerekaho n’urwibutso rubi rwo gutsindirwa iwayo na Man City ibitego 6-1 umwaka ushize.
Ku munsi wa 31 wa shampiyona y’icyiciro cya mbere mu Bwongereza, Manchester United ni yo iza imbere n’amanota 77 ikurikiwe na Manchester City ifite amanota 62.
Indi mikino ihari
Ku wa 6 Mata 2013
(11:45GMT) Reading vs Southampton; Norwich vs Swansea; Stoke vs Aston Villa; West Brom vs Arsenal.
Ku wa 7 Mata 2013
Chelsea vs Sunderland; Liverpool vs West Ham (12:30GMT); Newcastle vs Fulham; QPR vs Wigan (15:10GMT); Tottenham vs Everton (13:05GMT).
Ku wa 8 Mata 2013
Manchester Utd vs Manchester City (19:00GMT)
TANGA IGITEKEREZO