Ikipe ya Manchester United mu mupira w’amaguru mu Bwongereza, ikomeje kuyobora urutonde rwa shampiyona no kugumisha ikinyuranyo cy’amanota arindwi hagati yayo na mukeba wayo Manchester City iyikurikiye.

Ibi Manchester United yabishimangiye nyuma yo gutsinda Liverpool ibitego bibiri kuri kimwe mu mukino wo ku cyumweru tariki ya 13 Mutarama 2013, ibitego byatsinzwe na Robin Van Persie ku munota wa 19 na Nemanja Vidic.

Igitego rukumbi cya Liverpool cyatsinzwe na Sturridge waguzwe muri Chelsea.

Undi mukino wari utegerejwe na benshi wari uwa Arsenal yari yakiriye Mancester City, ukaba wararangiye Arsenal itsinzwe ibitego bibiri ku busa ikomeza gutakaza icyizere cyo kuza mu makipe y’imbere.

Chelsea yihanije Stoke City n’ibitego bine ku busa, Everton na Swansea zigwa miswi ubusa ku busa mu gihe Tottenham yanganyije na QPR.

Dore uko amakipe 10 ya mbere akurikirana

1. Manchester United ifite amanota 55
2. Manchester City n’amanota 48
3. Chelsea ifite amanota 41
4. Tottenham ifite 40
5. Everton 37
6. Arsenal 34
7. West Bromwich Albion, amanota 33
8. Liverpool na 31
9. Swansea City na 30
10. Stoke City n’amanota 29