Mu mikino ya Shampiyona Primus National Football League, umunsi wa 10 usize AS Kigali yicaye ku ntebe y’icyubahiro by’agateganyo nyuma yo gutsinda APR FC igitego kimwe ku busa, umukino wabereye kuri Stade Amahoro i Remera.

Intsinzi ya AS Kigali yatumye yicara ku mwanya wa mbere n’amanota 21, Police yari ku mwanya wa mbere iza ku wa kabiri n’amanota 19 ikaba inganya na Kiyovu ariko Police ikagira ibitego byinshi izigamye.

Ku mwanya wa nyuma haza Etincelles yatsinzwe na Rayon Sports ibitego bitatu kuri bibiri, umukino wabereye kuri Stade ya Muhanga. Nyuma ya Etincelles haza ikipi ya Muhanga.

Uko imikino muri rusange yagenze ku munsi wa 10 wa Shampiyona Primus National Football League. Nk’uko tubikesha urubuga rwa FERWAFA imikino yagenze itya:

LA JEUNESSE 3-2 AMAGAJU;

POLICE 1-1 MUSANZE;

KIYOVU 0-0 ISONGA;

AS KIGALI 1-0 APR;

MUKURA 2-0 MUHANGA;

RAYON 3-2 ETINCELLES;

MARINES 2-1 ESPOIR.

Ku rutonde rwa Shampiyona AS Kigali ku isongs n’amanota 21 izigamye ibitego 8, ku mwanya wa kabiri Police FC n’amanota 19 izigamye ibitego 7 inganya amanota na Kiyovu ariko yo ikaba izigamye igitego kimwe. ku mwanya wa kane La Jeunesse n’amanota 18 izigamye ibitego bine, ku mwanya wa gatanu Musanze n’amanota 17 izigamye ibitego bitanu. ku mwanya wa gatandatu haza ikipi ya APR FC n’amanota 16 izigamye ibitego bitanu, Rayon sports ku mwanya wa 7 n’amanota 15 izigamye ibitego 3.

Ku mwanya wa 8 haza ikipi ya Espoir n’amanota 13 n’umwenda w’ibitego 2, Amagaju ku mwanya wa 9 n’amanota 11 inganya na Mukura iri ku mwanya wa 10 zombi zifite buri imwe umwenda w’ibitego 2, ku mwanya wa 11 haza Isonga FC n’amanota 8 n’umwenda w’ibitego 3. Marines FC iza ku mwanya wa 12 n’amanota 8 n’umwenda w’ibitego 5.

Ku mwanya wa 13 haza ikipi ya Muhanga na yo ifite amanota 8 n’umwenda w’ibitego 9 na ho ku mwanya haza Etincelles n’amanota 5 n’umwenda w’ibitego 7.