Nyuma y’aho ku munsi wa 9 wa shampiyona Primus National Football League, Police FC itsindiye Muhanga FC ibitego 2 ku busa, byayihaye amahirwe yo kwicara ku ntebe y’icyubahiro by’agateganyo kuko Kiyovu iwusanzweho yatsinzwe na APR FC ibitego 2 kuri 1.

Imikino yo ku munsi wa 9 yabaye ku itariki ya 8 n’iya 9 Ukuboza 2012.
Ku munsi wa 9 si Police FC yazamutse gusa kuko na Rayon Sports n’umutoza wayo mushya Didier Gomez batsinze Isonga FC ibitego 2 ku busa, biha Rayon amahirwe yo kuva ku mwanya wa 9 yari yicayeho iijya ku wa munani n’amanota 12.

Mu gihe Poilice FC na Kiyovu ziza imbere, ikipe z’i Rubavu Etincelles na Marines ziri ku mwanya wa nyuma.

Dore uko amakipi ahagaze kugeza ubu:

Ku mwanya wa mbere haza Police FC n’amanota 18 inganya na Kiyovu ariko Police izigamye ibitego 7 na ho Kiyovu izigamye 1.

Ku mwanya wa Gatatu haza AS Kigali n’amanota 17 izigamye ibitego 7.
Umwanya wa 4 APR FC n’amanota 16 izigamye ibitego 6,
umwanya wa 6 Musanze FC amanota 16 izigamye ibitego 5. Umwanya wa 6 La Jeunesse n’amanota 15 izigamye ibitego 3, umwanya wa 7 Espoir FC n’amanota 13 n’umwenda w’igitego. Ku mwanya wa 8 haza Rayon Sports n’amanota 12 izigamye ibitego
2.

umwanya wa 9 Amagaju n’amanota 10 n’umwenda w’igitego; umwanya wa 10 Mukura VS amaonta 8 n’umwenda w’ibitego 4, umwaya wa 11 Muhanga FC amanota 8 n’umwenda w’ibitego 7, umwanya wa 12 Isonga amanota 7 n’umwenda w’ibitego 3, umwanya wa 13 Etincelles FC amanota 5 n’umwenda w’ibitego 6 kimwe na Marines FC iri ku mwanya wa nyuma na yo ihagaze kimwe na Etincelles zose z’Iburengerazuba mu karere ka Rubavu, izo kipe kandi zihuje n’ikibuga.

Uko imikino yagenze ku itariki ya 8 n’ya 9 Ukuboza

ETINCELLES 1-0 MUKURA VS

ESPOIR 1-0 LA JEUNESSE

ISONGA 0-2 RAYON SPORTS

POLICE 2-0 MUHANGA

MUSANZE 2-0 MARINES

APR 2-1 KIYOVU