Ryan Giggs aremeza ko Van Persie yahinduye byinshi

Umukinnyi Ryan Giggs wa Manchester United, aremeza ko Robin Van Persie yagiriye akamaro kanini ikipe ye.

Van Persie uzakina n’ikipe ye ya kera kuri uyu wa gatandatu, ubu amaze gutsindira Manchester Akomeza avuga ko Van Persie yanatanze imipira myinshi yavuyemo "ibitego bitagira ingano" kuva yagera i Manchester.

Aganira n’ikinyamakuru the sun, Giggs yavuze ko ibyo Persie yakoze muri Manchester mu gihe gito amaze bikomeye mu gihe hari hashize igihe bidakorwa muri iyi kipe, akemeza ko azakora ibirenze mu minsi iri imbere.

Kuri uyu wa gatandata Arsenal irasura Manchester. Ifite umwenda igomba kwishyura w’uko umwaka ushize Manchester yayitsinze ibitego umunani kuri bibiri, mu gihe nyamara uwari Rutahizamu wayo w’imena Robin Vann Persie ubu ari muri Manchester.

==========================

Wenger aranenga imyitwarire ya Chelsea mu kibazo na Clattenberg

Umutoza wa Arsenal aranenga kuba ikipe ya Chelsea yarihutiye kurega umusifuzi kurusha uko yari kubanza kuganira na we ku kibazo bagiranye.

Chelsea ntiyishimiye imisifurire y’umusifuzi Mark Clattenberg, mu mukino wayihuje na Manchester United ku wa 28 Ukwakira 2012.

Wenger avuga ko Chelsea “nta bihamya bihagije ifite ko umusifuzi Clattenberg wasifuye umukino wa Chelsea na Manchester yaba yarakoresheje ivanguraruhu” muri uyu mukino.

Wenger yabwiye ikinyamakuru The sun, ati “Niba ruhago ihindutse uburyo bwo gukiza abanyamategeko, jye sinyifana [sinyishyigikiye]! Iyo ntitwaye neza, mpitamo kubona ibisobanuro ku musifuzi aho kujya mu butegetsi ntafite ibimenyetso bihagije.”

Ubu Chelsea yatanze ikirego ko umusifuzi Clattenberg yise Mikel ‘ingagi’, ariko Clattenberg ubu wabaya anahagaritswe gusifura uhereye muri izi mpera z’icyumweru akaba ahakana iki kirego.

Bigitangira Chelsea yari yavuze ko izanarega ko umusifuzi yakoresheje imvugo ishingiye ku ivanguraruhu ku mukinnyi w’umunya Espagne Juan Matta ariko bahitamo kureke iki kirego bakurikirana icya John Obi Mikel.