Abakinnyi Vincent Kompany, Thomas Vermaelen na Matt Hummels, barashakishwa cyane n’ikipe ya FC Barcelone ngo bayunganire mu myanya y’inyuma ubu iri kugenda igaragaza integer nke ku yandi makipe.

Nk’uko “Sunday People”, ikinyamakuru cyo mu Bwongereza kibitangaza, umukinnyi Vincent Kompany wa Manchester City mu Bwongereza ni we uza ku mwanya wa mbere ku rutonde rw’abo FC Barcelone yo muri Espagne ishaka kugura kugirango azazibire icyuho Carles Puyol ubu ufite imyaka 34 ari kugenda atera.

Si ubwa mbere hanuganugwa ko Vincent Kompany yakwerekeza mu ikipe ya FC Barcelone. Iki kinyamakuru kiratangaza ko mu rwego rwo kwitegura umwaka utaha w’imikino wa 2013-2014 FC Barcelone igiye gutanga miliyoni 23 z’amayero kuri uyu musore w’umubiligi w’imyaka 27, usanzwe ari myugariro akaba na Kapiteni wa Manchester City mu Bwongereza.

Undi bivugwa ko ashakishwa na Barcelone ni Matt Hummels ukinira mu ikipe ya Borussia Dortmund yo mu Budage, mu rwego rwo gukomeza h’iyi kipe hakomeje kugenda hakemangwa.

Muri ba myugariro bashakishwa na Barcelone kandi harimo Thomas Vermaelen wa Arsenal mu Bwongereza, uyu akaba ari kapiteni wa Arsenal mu Bwongereza.