Umukinnyi Wayne Rooney ukinira ikipe ya Manchester United nyuma y’aho batsindiwe n’ikipe ya Real Madrid mu mikino y’igikombe cy’i Burayi ibitego 2-1 byanatumye ikipe ya Manchester United isezererwa, ubu Rooney ari ku isoko kuri miliyoni zigera £25.

Inkuru dukesha urubuga rwa www.thesun.co.uk ruratangaza ko ikipe zaba zashyizwe mu majwi ko zimwifuza ari ikipe ya Chelsea, Manchester City na FC Barcelona.

Wayne Rooney akaba amaze gutsinda ibitego bigera kuri 140 mu mikino 271 amaze gukinira ikipe ya Manchester United kuva mu mwaka wa 2004 ubwo yavaga mu ikipe ya Everton.

Michael Owen umwe mu bakinnyi bahoze bakinira ikipe ya Manchester United mu myaka yashize yagize ati "impamvu mbona Wayne Rooney ataritwaye neza nk’uko abakunzi babishakaga ni uko yakinnye asimbuye kandi no mu myitozo akaba yari yahuye n’akabazo ko mugenzi we bakinana yamuteye umugeri ku menyo.”