Iri rushanwa ry’iminsi ibiri, ryari ryitabiriwe n’abakinnyi bavuye mu bihugu bitatu ,u Rwanda, Ethiopia, na Sudani y’epfo aho haba mu babigize umwuga n’abatarabigize umwuga abanyarwanda baje kuhatambukana ishema.

Icyiciro cy’abatarabigize umwuga ni cyo cyarebwaga ahanini n’iri rushanwa dore ko cyagize imikino itanu itandukanye kigasiga bamwe bahembwe. Aha, Ntabaganyimana Valante（Rwanda）yatsinze Samuel Elemin Joseph (South Sudan) mu gihe Rubamba Iguru(Rwanda) na we yatsinze Mel Deng Kual (South Sudan).

Mu yindi mikino Kelia Iradukunda (Rwanda) we yatsinzwe na Genet Tsegaye (Ethiopia), Babra Lam (South Sudan) atsindwa na Nsengiyumva Ange(Rwanda) na ho Pacific Niyonzima(Rwanda) atsindwa na Abreham Elem (Ethiopia).

Mu bakinnyi babigize umwuga, Patrick Atwi (South Sudan) yatsinzwe na Donatien Dusabe(Rwanda) na ho Ndayishimiye Patrick(Rwanda) atsinda Nelson Mboka (Ethiopia).

Iyi mikino ikaba yaritabiriwe n’abanyacyubahiro batandukanye barimo Amb. Lulit Zewdie Gebremariam wa Ethiopia Mu Rwanda, Carlos Takam, umukinnyi w’iteramakofe ukomeye ku isi akaba n’umushoramari muri uyu mukino mu Rwanda, mu gihe hari kandi n’abandi bazwi mu Rwanda nka Bruce Melodie, Sherrie Silver na Rocky Kimomo.

Carlos Takam igihangange mu mukino w'iteramakofe yari muri Kigali Arena kuri iki cyumweru twasoje

Abatsinze bahawe ibikombe

Abakunzi b'umukino w'iteramakofe bashyizwe igorora mu mpera z'icyumweru gishize