U Rwanda ruzahagararirwa n’abakinnyi 152 bagabanyije mu makipe 12, akubiye mu mikino itandatu itandukanye igizwe n’umupira w’amaguru, Basketball, Volleyball, Handball, Tennis de table no gusiganwa ku maguru.

IPRC Kigali y’abakobwa na ESSA Nyarugunga mu bahungu, nizo zizaseruka muri Volleyball, Lycée de Kigali izaseruka muri Basketball mu bahungu n’abakobwa.

Handball izahagararirwa na ES Kigoma na ADEGI Gituza mu bahungu, ES Kizuguro mu bakobwa.

Mu mupira w’amaguru IP Mukarange y’abakobwa na ES Gasiza y’abahungu nizo zizaseruka mu gihe mu gusiganwa ku maguru hazaseruka abakinnyi 10, abahungu n’abakobwa batanu ku mpande zombi.

Tennis de table hazaseruka abakobwa n’abahungu batandatu ku mpande zombie, ni ukuvuga 12 bose hamwe.

Amakipe yose akomeje imyitozo iri kubera mu bigo byayo, biteganyijwe ko tariki 12 Nzeri ibigo byose bizahurira muri St Aloys i Rwamagana guhabwa impanuro n’ibendera, mbere yo guhaguruka tariki 13 Nzeri 2022 berekeza Arusha ahazabera amarushanwa.

Imikino ya FEASSSA itegurwa n’Ishyirahamwe ry’Imikino y’Amashuri mu Karere k’Afurika y’Uburasirazuba rikakirwa na kimwe mu bihugu bigize iri shyirahamwe.

Ibihugu bigize FEASSSA ni Uganda, Rwanda, Burundi, Zanzibar, Kenya, Tanzania na Sudani y’epfo. Iyi mikino yaherukaga kuba 2019 mbere y’icyorezo cya Covid 19