Umunyakenya Richard Kessio yagereye Disi Dieudonne yatsinzwe n’Umunyakenya Richard Kesso ku cyumweru nyuma y’uko yanikiye Umurusiya mu marushanwa y’igice cya Marathon yabereye i Fort de France mu Bufaransa .

Arasaba abakinnyi b’imikino ngororamubiri mu Rwanda ko byabaha isomo batangira kwitegura imikino Olempike izaba mu 2016.

Umunyakenya Richard Kessio yamusizeho amasegonda 15 mu gusiganwa ibirometero 21 (semi Marathon) iBarbados muri Amerika y’Epfo.

Dieudonne yabwiye IGIHE ari rimwe mu irushanwa mu yo uyu munyarwanda arimo kwifashisha mu gutegura imikino Olempike izabera i Rio De Janeiro mu 2016, ari nay o mpamvu yahisemo kwitoreza hafi ya ho.

Ati: “Naryitabiriye murwego rwo kwimenyereza amarushanwa yo muri kariya gace, kuko ni hafi ya Brazil kandi ni ho imikino Olympic izabera muri 2016. Icyumweru kibanza nari nirutse semi marathon (Igice cya Marato) ya Fort de France yari yabereye mu birwa bya Martinique.”

Nyuma y’iri rushanwa kandi hari ubutumwa Disi Dieudonne yegeneye abakinnyi b’imikino ngororamubiri mu Rwanda, aho yagize ati: “Ndabwira abakinnyi ko 2016 yegereje. Byibuze buri wese yakwiha intego yo kuba umwaka w’2015 warangira amaze gukora minima kubona itike imwemerera gukina imikino olempike ) bityo 2016 ikazagera ari ukwitegura atari ugushakisha.”

Mu Rwanda, Disi Dieudonne yaciye agahigo mu masiganwa , aho mu mwaka wa 2005 yegukanye irushanwa ryo gusiganwa metero 10,000 mu mikino ihuza ibihugu bikoresha ururimi rw’Igifaransa, yabereye i Niamey muri Niger, yongera no kwisubiza iryo rushanwa mu mwaka w’2009 i Beirut muri Libani.

Yanahagarariye u Rwanda mu mikino ihuza ibihugu bikoresha ururimi rw’Icyongereza (Glasgow Commonwealth Games) yabereye Osaka mu Buyapani mu mwaka w’2007, ndetse no mu mikino y’Isi yabereye i Berlin mu Budage, gusa ngo akaba yarababajwe cyane no kuba mu mikino y’uyu mwaka yabereye muri Ecosse atarabashije kwitwara neza kandi yari yarashyizemo imbaraga nyinshi mu kwitegura.

Yegukanye umwanya wa 6 mu irushanwa ry’isi mu gusiganwa mu muhanda (World Road Running Championships) ryabereye i Rio de Janeiro muri Brazil mu mwaka w’2007.