00:00:00 IGIHE NETWORK KN KINYARWANDA EN ENGLISH FR FRANCAIS

Djokovic yafunzwe mbere yo kongera kujurira

Yanditswe na Bukuru JC
Kuya 15 January 2022 saa 08:20
Yasuwe :

Nimero ya mbere ku Isi muri Tennis, Umunya-Serbia Novak Djokovic, yafunzwe n’Urwego rushinzwe imipaka muri Australia mu gitondo cyo ku wa Gatandatu nyuma y’uko yimwe visa ku nshuro ya kabiri kuko atikingije COVID-19.

Djokovic yabajijwe n’Urwego rushinzwe imipaka muri Australia ku wa Gatandatu saa Mbiri z’igitondo muri Australia (ahagana saa tanu z’ijoro ku wa Gatanu i Kigali).

Ikinyamakuru CNN cyatangaje ko impande zombi zumvikanye ko aho yafungiwe hagirwa ibanga mu rwego rwo kumurinda abandi bantu barimo itangazamakuru no kumucungira umutekano.

Byitezwe ko Djokovic amara ijoro ryo kuri uyu wa Gatandatu muri kasho y’urwego rushinzwe abinjira n’abasohoka mbere y’uko urubanza rwe ruzongera kuba ku Cyumweru.

Mu gihe Djokovic yajuririra icyemezo cyo kumwambura visa ku nshuro ya kabiri agatsinda, ingengabihe yakozwe imwemerera gukina muri Australian Open ku wa Mbere.

Iri rushanwa rizaba hagati ya tariki ya 17 n’iya 30 Mutarama 2022 ntiryavuzwe cyane kubera ikibazo cya Djokovic wimwe visa akigera muri Australia tariki ya 6 Mutarama kubera ko atikingije COVID-19.

Novak Djokovic yafunzwe n'Urwego rushinzwe imipaka muri Australia mu gihe ubujurire bwe buzumvwa ku Cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .