Iyi shampiyona yahurije hamwe ibihugu 13 birimo u Rwanda aho intego ari ugushaka ukubona abakinnyi bazahagararira umugabane wa Afurika mu mikino Olimpike izabera i Paris mu Bufaransa mu mpeshyi y’uyu mwaka wa 2024.

Ni imikino yakinwe mu byiciro bine mu bakiri bato n’abakuru birimo “Ribbon, Hoop, Clubs na Balls” bisanzwe bimenyerewe muri uyu mukino aho abakinnyi bakinaga ku giti cyabo ndetse bakanakinira mu makipe.

Ubwo yafunguraga ino mikino ku mugaragaro, umunyamabanga uhoraho muri Minisiteri y’imikino Zephanie Niyonkuru yashimiye impuzamashyirahamwe y’uyu mukino ku isi yahaye icyizere u Rwanda ngo rwakire ino mikino, aho kuri we asanga imikino ari ikintu cy’ingenzi mu bijyanye na dipolomasi, ubucuti ndetse n’iterambere ry’igihugu.

Ku ruhande rw’Ishyirahamwe ry’uyu mukino ku isi, Perezida waryo wari witabiriye uyu muhango Morinari Watanabe, yashimye u Rwanda rwakiriye irushanwa ry’uyu mwaka aho yagize ati:“ Turi hano mu Rwanda kubwa Gymnastique kuko kino gihugu gifite ubushake bwo kwakira ibikorwa bya siporo haba muri Afurika ndetse no ku isi.”

Perezida w’uno mukino ku mugabane wa Afurika Dr Ehab Esawy, na we wari muri BK Arena yashimye Morinari Watabe ku nkunga batewe ngo ino mikino igende neza, anashimangira ko ari igihe cyo kwishimira Gymnastique mu Rwanda.

Mu mikino yakinwe kuri uyu wa kane, Afurika y’epfo yaje kuza ku mwanya wa mbere aho yatwaye umudari wa zahabu, igihugu cya Afurika y’epfo gitwara umudari wa Feza mu gihe Tuniziya yaje gucyura umwanya wa gatatu n’umudari wa Bronze.

Mu bakina ku giti cyabo Aliaa Saleh wo mu Misiri yaje ku mwanya wa mbere, Lula Gomezao wo muri Angola aza ku mwanya wa kabiri na ho Habiba Marzouk na we wo mu Misiri yaje ku mwanya wa gatatu.

Imikino ikaba iri bukomeze kuri uyu wa gatanu tariki ya 26 Mata 2024 aho abari bwitware neza bazabona itike yo gukina imikino Olimpike izabera i Paris mu Bufaransa.

Umukino wa Gymnastique rythmique ni umwe mu ikunzwe muri iyi minsi

Ni umukino ukinwamo ibyiciro bine haba abakina ku giti cyabo cyangwa mu makipe. Aba bari gukina icyiciro cya Clubs

Perezida w'ishyirahamwe ry'uyu mukino ku isi Morinari Watanabe(iburyo) aganira na mugenzi we uwuyobora muri Afurika Dr Ehab Esawy

Abakina Clubs baba bafite utunt tumeze nk'inkoni

Iki cyiciro muri uyu mukino cyo bakita Clubs

Iki ni icyiciro cyindi muri uyu mukino bita Hoops

Abakina Hoops baba bafite ibisa nk'uruziga

Icyiciro cya Hoop na cyo gikinwa n'abakina bonyine cyangwa bakina mu makipe

Umwe mu bitwaye neza mu bakiri bato mu cyiciro cya Hoops

Ikindi gice cy'uyu mukino kitwa Ball

Abakina baba bafite agapira: Ball

Icyiciro cya Ball mu bigize uyu mukino ni kimwe mu bikunzwe cyane

Bisaba kubyitoza ukiri muto

Utagororotse ntibyagukundira

Kimwe mu byiciro bine byakinwaga muri Arena

U Rwanda rwahatanaga mu ba Junios mu cyiciro cya Hoop

Hakinwaga ibyiciro bitandukanye

Iki gice muri uyu mukino bakita Ribbon aho uhagarariye u Rwanda yiyerekanaga

Abayobozi b'uyumukino wa Gymnasatic mu Rwanda, Afurika no ku isi

Hatanzwe imidari ku bitwaye neza aho Misiri yigaragaje

Hatanzwe imidari ku bitwaye neza aho Misiri yigaragaje

Abana bari baje gukurikirana ino mikino ngo bakure bayikunda

Dr Ehab Esawy uyobora uno mukino ku mugabane wa Afurika na we yari muri BK Arena kuri uyu mugoroba

Morinari Watanabe, uyobora uno mukino ku isi yashimye uko u Rwanda rwakira imikino

Umunyamabanga Uhoraho muri MINISPORT Zephanie ni we wafunguye ino mikino

Ni umukino usaba ubuhanga buhambaye

Morinari Watanabe, uyobora uno mukino ku isi yashimye uko u Rwanda rwakira imikino

Amafoto: Remy Moses

Video: Confiance