00:00:00 IGIHE NETWORK KN KINYARWANDA EN ENGLISH FR FRANCAIS

Novak Djokovic utarikingije COVID-19 yemerewe kwitabira Australian Open

Yanditswe na Bukuru JC
Kuya 5 January 2022 saa 10:55
Yasuwe :

Nimero ya mbere ku Isi muri Tennis, Novak Djokovic, yemerewe kwitabira irushanwa rya Australian Open aheruka kwegukana nyuma yo gushyirirwaho umwihariko kuko atikingije COVID-19 nk’uko bisabwa.

Abakinnyi n’abandi bantu bose bazitabira Australian Open izaba hagati ya tariki ya 17 n’iya 30 Mutarama 2022, bagomba kuba barikingije COVID-19 cyangwa barashyiriweho umwihariko n’akanama kigenga k’inzobere.

Umunya-Serbia, Novak Djokovic w’imyaka 34, ntiyigeze avuga mu ruhame aho ahagaze mu bijyanye no kwikingiza COVID-19.

Umuyobozi wa Australian Open, Craig Tiley, yavuze ko nta gutonesha cyangwa koroherezwa kwabayeho kuri Djokovic umaze kwegukana iri rushanwa inshuro icyenda.

Ati “Twashyizeho uburyo bugoye kuri buri wese ubisaba kandi hari ibyo agomba kugaragariza ikipe y’ubuvuzi yigenga. Hari abakinnyi 26 basabye kandi benshi muri bo baremerewe.”

Yakomeje agira ati “Nta koroherezwa cyangwa ubufasha bwihariye bwahawe Djokovic cyangwa umukinnyi wa Tennis uwo ari we wese. Hari inzira yagombaga gukurikizwa na buri wese.”

Gusaba gukurikirwaho ibijyanye no kuba umukinnyi yarikingije COVID-19 byakozwe mu ibanga n’amatsinda abiri atandukanye, aho mu byarebwagaho harimo uburwayi bw’umutima cyangwa indi ndwara ikomeye.

Birashoboka ko kuba Djokovic aherutse kwandura COVID-19 byaba byaratumye atinda gufata urukingo.

Uyu mugabo usanzwe ari nimero ya mbere ku Isi muri Tennis, watwaye Australian Open mu nshuro eshatu iheruka kuba, anganya Grand-slam 20 na Rafel Nadal ndetse na Roger Federer utazakina irushanwa ry’uyu mwaka kubera imvune.

Novak Djokovic yemerewe kwitabira Australian Open nubwo atikingije COVID-19
Djokovic ni umwe mu bakinnyi bashyiriweho umwihariko muri iri rushanwa rizaba hagati ya tariki ya 15 n'iya 30 Mutarama 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .