Uyu mu mukino wari witabiriwe n’abafana benshi wabereye mu kigo cy’urubyiruko cya Kimisagara (Maison des Jeunes)ku Cyumweru tariki 23 Kamena 2024.

Igice cya Mbere cyarangiye Police HC iyoboye umukino n’ibitego 11 ku bitego 10 bya APR HC. Nyuma y’akaruhuko amakipe yakomeje guhatana kugeza ku munota wa nyuma w’umukino warangiye Police HC yegukanye intsinzi y’ibitego 24 kuri 23.

Abakinnyi batatu ba Police HC bigaragaje cyane muri uyu mukino ni Kayijamahe Yves uherutse kugurwa mu ikipe ya Gicumbi HT, Rwamanywa Viateur na Kubwimana Emmanuel, bose hamwe batsinze ibitego 17 ubiteranyije.

Mbere y’uyu mukino, Police HC yari yabanje gukina indi mikino ibiri yatsinzemo ikipe ya Kaminuza y’u Rwanda Ishami rya Huye ibitego 40 kuri 13 na Nyakabanda HC yatsinze ibitego 48-23.

Imikino ya Kamarampaka izatanga uzegukana Igikombe cya Shampiyona izahuza Police HC ya mbere, APR HC, Gicumbi HT na ES Kigoma iri ku mwanya wa kane. Iyi mikino iteganyijwe tariki 28 na 29 Kamena 2024.

Mbesutunguwe Samuel ahanganye n'umukinnyi wa APR HC

Umukino wa APR HC na Police wari ishiraniro

Uyu witabiriwe n'abafana benshi

Wari umukino uryoheye ijisho

Police HC yasoje shampiyona isanzwe iri ku mwanya wa mbere