Rwanda Mountain Gorilla Rally izatangira kuri uyu wa Gatanu tariki ya 31 Nyakanga ikomeze no kuwa Gatandatu, tariki ya1Kanama 2015, ni isiganwa rya gatanu ku ngengabihe nyafurika yo gusiganwa mu madoka.

Aganira na IGIHE.com, Gakwaya Christian, Umuyobozi w’Ishyirahamwe ryo gusiganwa mu modoka mu Rwanda (RAC) avuga ko imyiteguro yarangiye, bamenye ko bazakira imodoka 25 mu isiganwa.

Imodoka 25 nizo zizitabira iri siganwa rya gatanu muri shampiyona nyafurika

Rwanda Mountain Gorilla Rally izakinwa kuwa Gatanu no kuwa Gatandatu i Nyamata na Rugende

Yagize ati “ Ni isiganwa rizaba ririmo guhangana kuko uzatsinda hano ashobora gushyiramo intera nini y’amanota. Dufite amahirwe kuko turi hagati, ni isiganwa rya gatanu muri arindwi akinwa muri Afurika.”

Uretse Rudy Cantanhede wari umaze igihe adakinira mu Rwanda watwaye iri siganwa inshuro eshatu mu 2004, 2008 na 2010 azaba ahanganye na Giancarlo Davite waritwaye kabiri mu 2009 na 2013.

Gakwaya ati “ Giancarlo ntari gukina shampiyona nyafurika kubera akabazo k’imodoka yari yagize, ubu afite imodoka nziza kuko n’isiganwa riheruka kubera mu Rwanda yararitwaye.”

Rudy Cantanhede yatwaye inshuro eshatu mu 2004, 2008 na 2010 iri siganwa rya Rwanda Mountain Gorilla Rally

Rudy Cantanhede utaherukaga gusiganwa mu Rwanda ni umwe mu bitezweho byinshi

Muri iri siganwa hitezwe guhanganira amanota ku Munyakenya Chatthe Jaspreet uri imbere muri Afurika n’amanota 50 utwara Mitsubishi Evo X ntayabashije gusoza isiganwa ryo muri Tanzania azaba ahanganye n’Umunyazambia Jassy Singh utwara Subaru Imprezza ufite amanota 36.

Gusa murumuna wa Jassy, Muna Singh, Jr. wari uwa gatatu ku rutonde rusange n’Umunya Cote d’Ivoire Gary Chaynes wari uwa kane ntibazitabira kubera ibibazo by’imodoka.

Umunyazambia Mohammed Essa wegukanye igihembo cya Rwanda Mountain Gorilla Rally mu 2014 akoresheje amasaha 2 iminota 57 n’amasegonda 24 nawe ntazakina.

Kuwa Gatanu, abasiganwa bazakinira i Nyamata bazenguruka ahitegeye abafana (super stage) babone kujya mu muhanda bahaguruke i Nyamata bace Mwogo basubire i Nyamata bahazenguruke kabiri.

Kuwa Gatandatu, bazazenguruka mu mihanda itatu, Ndera - Rugende, Nyacyonga - Musha na Ntunga – Rugende.

Isiganwa ry'amateka kuri bamwe mu basiganwa

Urutonde rw’abazasiganwa muri Rwanda Mountain Gorilla Rally 2015

1. Giancarlo Davite & Sylvia Vindevogel – Mitsubishi Evolution X

2. Chatthe Jaspreet & Thorley Craig – Mitsubishi Evolution X

3. Singh Jassy & Sihoka Dave – Subaru Imprezza

4. Kananura Desh & Matovu Moses - Subaru Imprezza

5. Bukera Valery & Khetia Nital – Subaru Imprezza

6. Consta Jon K & Nsamba Aaron - Mitsubishi Evolution X

7. Gakwaya Claude & Mugabo Claude – Subaru Imprezza

8. Mitraros Elefterios & Paolo Paganin – Subaru Imprezza

9. Nasser Yassin & Mukuye Hussein – Subaru Imprezza

10. Busuulwa Fred & Mawanda Hakim –Subaru Imprezza

11. Kakaire Peter & Kiyingi Eduard – Subaru Imprezza

12. Christakis Fitidis – Subaru Imprezza

13. Roshanali Mohamed Abbas – Subaru Imprezza

14. Ssempebwa Abdul & Katumba Ali – Subaru Imprezza

15. Cantanhede Rudy & Israel David – Mitsubishi Evo 4

16. Kabega Musa & Sirwomu Rogers – Mitsubishi Lancer

17. Kasozi Christopher & Kakande Umar – Subaru Imprezza

18. Mungyereza Edson & Lubambula Kevin Derrick – Subaru Imprezza

19. Pole Pole Wilbert & Mbogo Bashir – Subaru Imprezza

20. Mutuga Janvier & Uwimana Jules - Toyota Corolla Rsi

21. Mayaka Felekeni & Karingirwa Remera Regi - Peugeot 205

22. Mayaka Julien & Tuyishime Francois Regis – Peugeot 205

23. Ntwari J. Jacques Roger & Birindabagabo Armand - Toyota Celica

24. Ortega Ismael & Achal Jean Bosco - Toyota Runx

25. Alwi Hassan & Oling Leroy Enock - Toyota Corolla Runx