Ku munsi waryo wa kane bahagurutse Seraing mu Buligi binjirira mu majyaruguru y’u Bufaransa basoreza Cambrai bakoze urugendo rwa Km 223.5, rurerure muri iri siganwa riri gukinwa ku nshuro ya 102.

Umudage Tony Martin yakoresheje 5h28’58” asiga abandi mu gikundi kuva kuri Km 3.4 agera ku murongo wenyine asize Umudage Degenkolb John wa Team Giant – Alpecin amasegonda atatu anganya n’abandi 35.

Peter Sagan yabaye uwa gatatu naho Umunya Norvege Boasson Hagen Edvald ukinira MTN Qhubeka yo muri Afurika y’Epfo aba uwa gatanu.

Mark Cavendish yabaye uwa 12, Vincenzo Nibali waritwaye mu 2014 aba uwa 15, Christopher Froome waritwaye mu 2013 wari wambaye umwenda w’umuhondo aba uwa 17, Alberto Contador (2007 na 2009) uwa 19 naho Quintana Nairo uwa 23.

Isiganwa ry’uyu munsi ryakomereye aho bagombaga gukora intera ya Km zisaga 15 mu muhanda w’amabuye byatumaga umuvuduko uva kuri Km 40-45 ku isaha ukaba 30-35 Km/h.

Ku rutonde rusange rw’umunsi wa kane wa Tour de France, Tony Martin wari uwa kabiri arayoboye akoresheje 12h40’26” akurikiwe na Christopher Froome yasize amasegonda 12.

Kuri uyu wa Gatatu barakina umunsi wa gatanu bahaguruke Arras berekeze Amiens ku ntera ya Km 189.5.

Ku munsi wa kane, umwenda w’umuhondo umaze kwambarwa n’abakinnyi bane batandukanye; Rohan Dennis basiganwa umuntu ku giti cye, Fabian Cancellara ku munsi wa kabiri wakoze impanuka ejo agasezera na Chris Froome.

Urutonde rw’umunsi wa 4

1. Tony Martin – Etixx – Quick-Step 5hrs 28mins 58secs

2. John Degenkolb – Giant +3secs

3. Peter Sagan – Tinkoff – Saxo

4. Greg Van Avermaet – BMC Racing

5. Edvald Boasson Hagen – Team MTN

6. Nacer Bouhanni – Cofidis

7. Jacopo Guarnieri – Katusha

8. Tony Gallopin – Lotto

9. Zdenek Stybar – Etixx – Quick-Step

10. Bryan Coquard – Europcar

Urutonde rusange nyuma y’umunsi wa 4

1.Tony Martin – Etixx – Quick-Step 12h 40’ 26”

2. Chris Froome – Team Sky +12”

3. Tejay van Garderen – BMC Racing +25”

4. Tony Gallopin – Lotto +38”

5. Peter Sagan – Tinkoff – Saxo +39”

6. Greg Van Avermaet – BMC Racing +40”

7. Rigoberto Uran – Etixx – Quick-Step +46”

8. Alberto Contador – Tinkoff – Saxo +48”

9. Geraint Thomas – Team Sky +1’15”

10. Zdenek Stybar – Etixx – Quick-Step +1’16”