Umunya Maroc Mrouni Salaeddine, wa kabiri muri Afurika mu batarengeje imyaka 23 niwe wageze i Rubavu mbere bavuye i Muhanga akoresheje amasaha 3 iminota 46 n’amasegonda 25, Ndayisenga Valens aba uwa gatatu asizwe amasegonda atatu akomeza kuba uwa mbere ku rutonde rusange.

Ni isiganwa ryakozwe mu gice kimanuka mu muhanda uva i Muhanga ukanyura mu karere ka Ngororero.

Kimwe nk’iminsi yabanjirije uyu, abakinnyi bagenda ari itsinda nk’aho kuri Km 28,abasiganwa 28 bari imbere nyuma ya Km 10 hiyongeramo abandi bane barimo Ndayisenga Valens wari wambaye umwenda w’umuhondo.

Isaha ya mbere y’isiganwa, bagendaga ku muvuduko rusange wa Km 40,1.

Kuri Km ya 125, Byukusenge Patrick (Rwanda Akagera) na Tesmegen Buru (Ethiopia) bashatse gucomoka muri iki gikunda ariko biranga.

Abasiganwa bageze ku murongo ari benshi bisaba guihatana maze Salaeddine abatanga ku murongo ariko anganya ibihe na Buru hamwe na Nsengimana Jean Bosco.

Kuva i Muhanga abasiganwa bagendaga mu mvura byatumye bitonda ngo batanyerera nk’uko ejo byagenze kuri bamwe.

Ruhumuriza Abraham yabaye uwa 20 asizwe amasegonda 15 n’uwa 13 ku rutonde rusange arushwa iminota 2 n’amasegonda 29.

Hadi Janvier yabaye uwa 23 asizwe amasegonda 22, ku ruttonde rusange ni uwa 23 asizwe iminota 8 n’amasegonda 4.

Kuri uyu wa Gatanu, abasiganwa barahaguruka I Rubavu saa 8 n’iminota 30 berekeze i Nyanza ku ntera ya Km 184, urugendo rurerure muri Tour du Rwanda. Ni ku nshuro ya mbere iri siganwa risorezwa muri aka karere.

Urutonde rw’umunsi wa kane Muhanga – Rubavu Km 138,8

1. Mraouni Salaeddine –Maroc 3h46’25”

2. Buru Temesgen –Ethiopia 3h46’25”

3. Nsengimana Jean Bosco –Kalisimbi 3h46’25”

4. Ndayisenga Valens –Kalisimbi 03”

5. Byukusenge Patrick –Akagera 07”

6. Giday Kibrom –Ethiopia 07”

7. Saber Lahcen –Maroc 07”

8. Hakuzimana Camera –Akagera 07”

9. Er-Rafai Mohamed Amine –Maroc 10”

10. Atsbha Gatachew –Ethiopia 10”

Urutonde rusange Km 517,7

1. Ndayisenga Valens –Kalisimbi 13h49’16”

2. Nsengimana Jean Bosco –Kalisimbi 56”

3. Biziyaremye Joseph –Kalisimbi 01’15”

4. Debretsion Aaron –AS.BE.CO 01’18”

5. Byukusenge Patrick –Akagera 01’25”

6. Mraouni Salaeddine –Maroc 02’03”

7. Terrettaz Thomas –Team Meubles Decarte 02’04”

8. Saber Lahcen –Maroc 02’05"

9. Buru Temesgen –Ethiopia 02’06"

10. Amanuel Million –Eritrea 02’12"